VOV4.Bahnar – Anih jang Y tê̆ apŭng Chư Sê, dêh char Gia Lai hlôi tơchơ̆t tơklăh oei pha hăm 3 'nu F1 lơ̆m minh unh hnam kơyuơ hlôi oei tơjê̆ hăm 1 'nu bơngai ƀơm jĭ Covid 19  tơ̆ Bắc Giang. 3 'nu âu athei oei tơklăh tơ̆ hnam kơsô̆ 18, kueng kơphô̆ 9, trong Cách Mạng, thĭ trâ̆n Chư Sê, apŭng Chư Sê, dêh char Gia Lai hlôi oei tơjê̆ hăm unh hnam bơngai jang tơ̆ Anih jang HOSIDEN Quang Châu, tơ̆ Bắc Giang ƀơm jĭ Sars Cov-2, ƀơ̆t vih tơ̆ Bắc Giang năm xa pơkong 'nhŏng oh. Bơngai ƀơm jĭ SARS-  COV – 2 xơkơ̆t kiơ̆ pơkăp hơlen pham ăh năr 19/5. Đơ̆ng rŏng kơ chôt vih tơ̆ tơring (apŭng Chư Sê) 3 'nu âu chôt vih đơ̆ng tơring hơbuh pơrang hlôi kơdih năm tơroi y tê̆ păng chô̆ che gom ƀŏ tơ̆ anih kơdrâ̆m bơngai, đei kang ƀô̆ y tê̆ pơtho ăn dôm trong oei tơklăh tơ̆ hnam. Dang ei dôm bơngai âu oei grăng pran, ưh đei hien, pơlŏ, ưh đei jĭ kơtơh gleh lap păng tŏk bŏk oei đei hơlen jơhngơ̆m jăn.

Lan chih păng pơre nơ̆r