VOV4.Bahnar  – Kơtơ̆ng ang đơ̆ng Anih jang Y tê̆ Hà Nội ăn tơbăt, 'năr dơ̆ng năr 6/10, lơ̆m plei tơm đei dơ̆ng 6 ƀơm jĭ SARS-CoV-2, adoi tơ̆ tơring pơkăp pơvei păng lơ̆m anih ƀơm jĭ kơ Hnam pơgang Hữu Nghị Việt Đức. Thoi noh, đơ̆ng rŏng 6 năr hơbuh jĭ, truh dang ei hlôi đei jê̆ 50 'nu tơrĕk truh Hnam pơgang Việt Đức ƀơm jĭ Sars-Cov-2. Găh tơdrong hơlen đak muh, anih jang y tê̆ hlôi iŏk đei 18.168 tơpu đak muh, lơ̆m noh 17.988 hlôi pơkăp đang, đei ƀôh 40 'nu ƀơm jĭ, đei 13 'nu noh 'nhŏng oh vei bơngai jang; 19 'nu bơngai jĭ tŏk bŏk oei hơmet tơ̆ hnam pơgang; 6 'nu jang tơ̆ hnam pơgang păng 2 'nu noh tơrĕk găh tơdrong nai.

Lan chih păng pơre nơ̆r