VOV4.Bahnar - Kiơ̆ kơtơ̆ng ang đơ̆ng Dơnŏ anĭh tơm vei lăng jang pơgang, jĭ hơbuh ‘măng mă 4 (đơ̆ng năr 27/4/2021 trŭh dang ei), măt bơngai tơpŏh ‘nao lơ̆m tĕh đak ‘nŏh 271.037 ‘nu, lơ̆m au đei 99.730 ‘nu bơngai jĭ Covid-19 đei tơchơ̆t hơmet klăih. Lơ̆m năr brei, năr 15/8, đei 5.519 ‘nu bơngai jĭ đei tơbăt hlôi hơmet klăih, atŏk măt bơngai đei hơmet klăih: 102.504 ‘nu. Đei 5 dêh char, pơlei tơm hlôi yak hlŏh 14 năr ư̆h kơ ƀô̆h bơngai ayơ tơpŏh jĭ ‘nŏh: Quảng Ninh, Bắc Kạn, Tuyên Quang, Lai Châu, Hoà Bình. Đei 7 dêh char, pơlei tơm ư̆h kơ đei bơngai jĭ tơpŏh kơtă tơ̆ dêh char lơ̆m 14 năr au ki ‘nŏh: Lào Cai, Kon Tum, Hà Giang, Yên Bái, Thái Bình, Bắc Giang, Hải Phòng. Trŭh dang ei, lơ̆m tĕh đak hlôi ƀet vaccine tang găn jĭ Covid-19 đei hloh 14 trĭu 400.000 kơ lieu.

Tơblơ̆ nơ̆r: Amazưt