VOV4.Bahnar - Lơ\m lơ tơring kon pơlei kon kông tơ\ Tây Nguyên to\k bo\k oei hơyak kiơ\ “trong ‘nao”, joh ayo\ juăt jue noh roi hiơt hiong, noh tơ\ th^ tra#n Di Linh, dêh char  Lâm Đồng, bơngai K’ho duh oei răk vei lơ hnam kơjung juăt jue păng lơ tơmam yua lơ\m hnam mă đơ\ng kră xơ\ pơxư\ ăn. ‘Nâu jing cham char joh ayo\ kăp g^t kơ bơngai K’ho kăl đei vei răk.

Kueng kơpho# Di Linh Thượng 1 păng Di Linh Thượng 2, bơngai K’Ho duh oei krao hăm nơ\r ‘mêm kơ eng noh “bòn Njrềng” oei ăh anih kơdra#m Di Linh, dêh char Lâm Đồng. Tơ\ âu bơngai K’Ho duh oei răk vei minh [ar to\ hnam kơjung juăt jue xơ\, hăm lơ tơmam yua juăt jue lơ\m tơdrong erih đơ\ng kră xơ\ pơxư\ ăn nhen: ch^ng chêng, hơgơ\r, tơnuh unh păng dôm j^t go\ ge xo.

Unh hnam [ok Moul Sơn, oei tơ\ kueng kơpho# Di Linh Thượng 1 jing minh lơ\m kơso# to\ xe\t unh hnam oei răk vei hnam kơjung juăt jue kơ bơngai K’Ho. Lơ\m hnam dang ei oei vei pơhlom 70 to\ ge tih ie\ phara băl. Lơ\m noh, đei minh pôm drăm xo mă bơngai K’Ho krao noh Gong. Dôm bơngai te\ch pơdro tơmam xo vă răt 50 triu hlj minh pôm, mă lei unh hnam ưh đei te\ch. {ok Moul Sơn ăn tơbăt: hnam âu hlôi pơgơ\r Nhô sa rơpu (et xa kơpô) kơ bơngai K’Ho hloh 10 ‘măng bơih păng ‘măng mă hơtuch đei pơgơ\r ăh xơnăm 1984, unh hnam xoi plang 2 to\ kơpô. {ok chơt hơ iă tơroi găh tơdrong juăt jue joh ayo\ kơ unh hnam: “ ‘Nâu jing um ru\p joh ayo\ ‘lơ\ng ro\, jing mu\k tơmam đơ\ng yă [ok pơxư\ ăn noh kăl răk vei. Chăl kon xâu nhôn oei băt găh hnưr erih ‘lơ\ng ro\ joh ayo\ kon kông po, mă lei chăl kon xâu ning nai kơnh pă đei băt dôm tơdrong g^t găh ch^ng chêng, go\ ge, hnam kơjung lơ\m tơdrong erih pơlei pơla, noh athei đei vei răk tơ[ăk mong. ‘Meh vă teh đak, jơnu\m pơgơ\r tơring tơre\k tơgu\m, đei trong jang chă ming hơmet hnam kơjung răk vei joh ayo\ kon pơlei kon kông tơ\ tơring. Nhôn pơtho kon xâu athei băt hơdăh găh joh ayo\ kăp g^t mă yă [ok pơxư\ ăn. ‘Nâu jing dôm tơmam kăp g^t đei jên duh ưh kơ ke\ răt ôh, noh ba athei băt tơg^t vei răk tơ[ăk mong ăn kon xâu ning nai kơnh băt hơdăh”.

Dôm bơngai kră tơ\ Di Linh tơroi: Xơ\ ki, bơngai K’Ho rim xơnăm, ‘nguaih kơ minh [ar khôi juăt et xa đei pơgơ\r tơ\ mir na, tơ\ kơ\l pơlei, hơdra#m đak noh dôm tơdrong et xa tih nhen et hơto\k [a, et xo\ng [a ‘nao, et xa kơpô... hơnơ\ng đei pơgơ\r tơ\ hnam. Dôm tơdrong et xa noh chơt hơ iă, tơno\ ja#p pơlei pơla. Dôm tơdrong et xa jing tơlei kơhret, tơguăt rim bơngai lơ\m unh hnam, lơ\m pơlei pơla; vang glơng tơnap tap, tơgu\m dih băl lơ\m pơm jang. Đơ\ng noh lơ hnưr bơngai  K’ho pơ ư pơ ang găh joh ayo\ juăt jue kră xơ\ kơ hơdrung hơdre\ch po.

Kiơ\ chih hơlen pơgia, dang ei lơ\m tơring kueng kơpho# Di Linh Thượng 1 păng Di Linh Thượng 2, th^ tra#n Di Linh, dêh char Lâm Đồng oei pơhlom 30 to\ hnam kơjung xo xơ\. Noh jing hnam kơ [ok kră pơlei K’Brịp, unh hnam [ok Moul Sơn, [ok K’Mês, [ok K’Dùl, yă Ka Dép… {ok K’Sội – Pho\ {^ thư chi [o#, Kơdră jang Măt tra#n tôh kuôk tơring Di Linh Thượng 1 tơroi: Tơdrong mă kon pơlei vei răk đei lơ hnam kơjung kră xơ\ kơ bơngai K’ho thoi noh kăp g^t tơpă. Mă kăl, lơ\m lăm hnam noh oei đei tơnuh unh, đei ch^ng chêng, go\ ge păng lơ tơmam yua xo xơ\ juăt jue kơ bơngai K’Ho đơ\ng xơ\ ki. ‘Nâu jing cham char vă pơtoi dôm tơdrong et xa juăt jue kơ hơdrung hơdre\ch po: “Chăl yă [ok bơ\n tơ\ pơlei Njrềng xơ\ ki noh jing dôm bơngai gơh rơgei, pơtoi vei răk tơ[ăk mong joh ayo\ juăt jue. Yuơ noh, chăl kon xâu bơ\n athei băt hơdăh lơ\m tơdrong vei răk hnam kơjung, ch^ng chêng, go\ ge xơ\ hlôi pơxư\ ăn. ‘Meh vă Đảng, teh đak tơre\kt ơgu\m lơ hloh lơ\m tơdrong vei răk tơ[ăk mong um ai joh ayo\ kră xơ\ kơ kon pơlei, mă hăt noh dôm tơdrong et xa kră xơ\, ke\ đei thoi noh kon pơlei pơtơm che\p vei đei tơdrong ako\m joh ayo\ ch^ng chêng..., kơlih âu jing um ai joh ayo\ ‘lơ\ng ro\ hơnơ\ng pơjing tơdrong chơt hơ iă, tơno\ pơlan xă ja#p pơlei pơla. Dang ei kiơ\ đơ\ng tơdrong tơjra#m, et xa xo# lơ\m unh hnam, nhôn hơnơ\ng tơbăt, pơtho ăn kon xâu găh tơdrong kăp g^t păng trong tôn ch^ng chêng, pơdăh ch^ng chêng vă ưh đei hiơt hiong um ai ‘lơ\ng ro\ kơ joh ayo\ kon pơlei po”.

Lơ\m tơpôl hrơ hrau hadoi, hơto\k tơ iung, Đảng păng teh đak hơnơ\ng tơre\k tơgu\m păng đei trong pơkăp vei răk tơ[ăk mong kơjă joh ayo\ ‘lơ\ng ro\ kơ hơdrung hơdre\ch. Kon pơlei kon kông pơ ư pơ ang găh joh ayo\ juăt jue kơ po. Tơdrong vei răk tơ[ăk mong hnam kơjung juăt jue kơ bơngai K’ho tơ\ th^ tra#n Di Linh, apu\ng Di Linh, dêh char Lâm Đồng noh tơgăl kơ pôk bơnê.

Lan chih păng rapor