VOV4.Bahnar – Hnam pơ gang đa khoa th^ xăh Buôn Hồ, dêh char Dak Lak j^ hnam pơ gang tơ\ apu\ng mă blu\ng lơ\m dêh char păng tơ ring Tây Nguyên đei hơ to\k đơ\ng kơ loăi III jing kơ loăi II lơ\m sơ năm 2014. Tơ drong ‘nâu tơ [ôh hơ dăh tơ drong jang gơ\h hơ gei đơ\ng khul kăn [o#, đe [ok thây pơ gang tơ\ âu. Đơ\ng ro\ng hlo\h m^nh sơ năm đei hơ to\k jing kơ loăi II, Hnam pơ gang đa khoa th^ xăh Buôn Hồ hơ nơ\ng tơ le\ch jang lơ tơ drong jang vă hơ met pơ ‘lơ\ng, pơm hơ to\k tơ drong đei yoa mưh khăm hơ met j^, pơm lăp hăm tơ drong vei lăng ‘lơ\ng jơ hngâm pran ăn kon pơ lei tơ\ tơ ring, vang tơ gop pơm tơ plih đon tơ che\ng, măt lăng đơ\ng tơ pôl hăm hnam pơ gang tơ\ apu\ng:

           Nhôn đei măt tơ\ hnam pơ gang đa khoa th^ xăh Buôn Hồ [ât 7 jơ pơ gê lơ\m 1 năr to\k bo\k gie\ng. Lơ bơ ngai j^ oei pơ re\ng gô khăm. Tơ\ kơ măy tinh kơ so# bơ ngai pơm hla ar khăm đ^ truh 60 ‘nu bơih. Đe [ok thây pơ gang tơ\ âu ăn tơ băt, jo# păh lăp 1 năr hnam pơ gang io\k khăm hơ met đơ\ng 300 truh 400 ‘nu bơ ngai j^, đei năr vă je# truh 500 ‘nu.

          Nhôn tơ [âp yă Đỗ Thị Cồ (64 sơ năm) tơ\ phương Đoàn Kết, th^ xăh Buôn Hồ truh tơ\ hnam pơ gang đa khoa th^ xăh Buôn Hồ khăm hơ met j^ hơ yô đak s^k kiơ\ khei. Hlo\h 10 sơ năm j^ ‘no\h đ^ khei ‘năr âu yă Cồ hơ nơ\ng truh khăm tơ\ hnam pơ gang âu. Hơ met j^ je# hnam tôch hiôk mưh chă yak vih vât, đei kơ măy kơ mo\k ‘nao, đe [ok thây pơ gang jang tôch tơ năp kơ na mă đunh kơ âu hlo\h 1 sơ năm, j^ hơ yô đak s^k roi dêh, pơm ăn jơ hngâm jăn yă ưh kơ jăng mă lei yă Cồ păng u\nh hnam oei rơih hnam pơ gang đa khoa th^ xăh Buôn Hồ khăm hơ met j^, ưh đei năm hơ met tơ\ hnam pơ gang kơ pal.

          {ât jơ hngâm pran roi ‘lơ\ng [iơ\, hơ nơ\ng 1 khei 1 ‘măng, yă truh khăm hơ len, io\k pơ gang hơ met j^. Yă Đỗ Thị Cồ tơ roi: “Inh j^ hơ yô đak s^k, huyêt ap to\k păng j^ tơ so\h dơ\ng. Inh khăm tơ\ âu hơ nơ\ng bơih, [ôh đe [ok thây pơ gang tôch tơ re\k. Inh tam mă năm khăm tơ\ pơ lei tơm lai yơ, lăp pôm tơ\ âu đe\ch…

           Hnam pơ gang đa khoa th^ xăh Buôn Hồ dang ei đei 200 to\ giơng hơ met j^, 16 khoa păng 240 ‘nu kăn [o#, bơ ngai jang pơ gang. Khei 12 sơ năm 2014, hnam pơ gang đei hơ to\k đơ\ng kơ loăi III jing kơ loăi II. ‘Nâu j^ tơ drong ‘lơ\ng vă hnam pơ gang răt hơ met bơ\n kơ măy kơ mo\k khăm hơ met j^, pơ vih pơ văn pơm lăp hăm tơ drong vei lăng jơ hngâm pran ăn kon pơ lei tơ\ tơ ring.

           Đơ\ng đei hơ to\k ming, hnam pơ gang tơ mât yoa lơ kơ măy, ki thuât khăm hơ len ‘nao păng truh dang ei hlôi jing tơ drong pran ‘lơ\ng đơ\ng Hnam pơ gang nhen răih kăt Amidan, răih tơ [ưh kơ ting ăn bơ ngai ăn bơ ngai tơ gơ\ kơ ting tơ kong jâng, set hơ len Ferritin vă băt pham, ưh kơ măh kơ chơ\t săt,... Sơ năm 2016, hơ nơ\ng tơ le\ch jang ‘lơ\ng dôm kơ măy ki thuât khăm hơ len ‘nao nhen thoi hnam pơ gang tơ\ dêh char nhen, siêu âm plei nuih, siêu âm nge lơ\m klak, tơ pu kon kiơ\ ki thuât siêu âm 3D, pơ to\ hơ len pham tơ\ ‘ngok, set hơ len sinh hoă, khăm hơ len pơ nhơk j^ lơ\m đon-muh-hơ lo\ng… ‘Nâu j^ hnam pơ gang tơ\ apu\ng mă blu\ng kơ dêh char Dak Lak io\k yoa dôm kơ măy ki thuât âu, vang tơ gop găn [iơ\ bơ ngai to\k khăm hơ met, pơm hrăt hrot tơ\ hnam pơ gang kơ pal.

           Ku\m hăm tơ drong tơ le\ch jên pơ ‘nho\ ăn tơ drong jang, hnam pơ gang oei năng kăl truh tơ drong pơ tho tơ [ôh đon jang, pơ vih pơ văn păng pơ ma xa đơ\ng kăn [o# jang pơ gang hăm bơ ngai j^, ăn dơ\ng bơ ngai roi tơ [ôh, tơ gu\m ăn bơ ngai kră, j^ jăn, ưh pă pran jăng, hơ met ming trong pơm hla ar, tơ jur [iơ\ jơ gô khăm ăn bơ ngai j^… Dôm tơ drong  jang âu roi đunh roi pơm ăn bơ ngai j^ lăp đon mưh truh khăm hơmet j^ tơ\ âu.

           Đơ\ng khei 10/2015, hnam pơ gang đa khoa th^ xăh Buôn Hồ năm hơ drol lơ\m tơ drong pơ gơ\r khăm hơ met j^ ăn đ^ đăng bơ ngai, jo# hloi bơ ngai đei the [ao hiêm y te# lơ\m năr 6, năr 7 păng năr lêh kiơ\ tơ drong tơ chơ\t 16 đơ\ng [ar An^h tơm vei lăng jang pơ gang păng jên hu, pơ jing tơ drong ‘lơ\ng ăn kon pơ lei truh khăm hơ met j^ lai yơ ku\m bưh. Tơ drong jang ‘nâu pơm ăn kon pơ lei lăp đon, hôn bơ nê, oei kăn [o#, bơ ngai jang ‘no\h jang roi tơ năp. ‘Nâu ku\m jing trong jang mă hnam pơ gang pơ jing đei đon lui ăn kon pơ lei lơ\m tơ ring, mă loi j^ [ât tơ drong asong khăm hơ met j^ tơ\ rim hnam pơ gang pơ tơm đei yoa.

          {ak si chuyên khoa 2 Y Nhân MLô, Kơ dră che\p kơ\l Hnam pơ gang đa khoa th^ xăh Buôn Hồ, dêh char Dak Lak ăn tơ băt: “Mưh asong khăm tơ\ rim an^h bơih, kon pơ lei gơ\h rơih dôm hnam pơ gang đei kơ măy kơ mo\k, bơ ngai khăm pơ vih pơ văn ‘lơ\ng hlo\h vă khăm, mă loi j^ tơ\ dôm hnam pơ gang đơ\ng kon pơ lei pơ jing kơ dih. Tơ drong ‘nâu hơ to\k tơ drong pơ jei băl đơ\ng dôm hnam pơ gang păng athei nhôn tơ plih ‘nao trong jang, đơ\ng pơ vih pơ văn, pơ ma xa truh tơ drong khăm hơ met j^ vă gơ\h pơm lăp hăm tơ drong ‘me\h vă đơ\ng kon pơ lei…”.

           Bơ ngai j^ lơ jing dang Hnam pơ gang ‘no\h đei kon pơ lei lui. Mă lei hrei ‘nâu lăm khăm hơ met j^ oei ie\, hrăt hrot, pơm ăn hnam pơ gang hơ nơ\ng ưh kơ măh lăm ăn bơ ngai j^ truh khăm hơ met. Kơ so# giơng ăn bơ ngai j^ [ich tơ\ hnam pơ gang ‘no\h 200 to\ mă lei athei ming hơ drop dơ\ng jing đơ\ng 300 truh 350 to\ giơng. {ât lăp tơ\ rih rôm kung athei io\k yoa pơm an^h jang vă ming dơ\ng lơ giơng ăn bơ ngai j^ [ich hơ met. Tơ drong ‘nâu pơm mơ mat truh tơ drong jang kơ đe [ok thây pơ gang tơ\ hnam pơ gang oei ưh tôm bơ ngai jang âu.

           {ak si chuyên khoa 2 Y Nhân Mlô, Kơ dră che\p kơ\l Hnam pơ gang đa khoa th^ xăh Buôn Hồ, dêh char Dak Lak pơ ma dơ\ng: “An^h jang, lăm khăm hơ met j^ kơ hnam pơ gang dang ei oei hrăt hrot. Hơ găt te\h ‘nao đei lăp 1,2 ha. Nhôn hlôi tơ le\ch trong jang vă hơ to\k ming hnam pơ gang păng io\k đei tơ drong tơ chơ\t đơ\ng dêh char ‘no\h tơ\ hơ năp kơnh vă pơih xă dơ\ng hnam pơ gang 5000 m2 dơ\ng…”.

           Hăm m^nh hnam pơ gang tơ\ apu\ng bơ\ jang đei yoa ‘lơ\ng, Hnam pơ gang th^ xăh đa khoa th^ xăh Buôn Hồ tôch kăl đei tơ drong tơ re\k, tơ mât jên jang đơ\ng khul kơ dră tơ ring păng an^h vei lăng jang pơ gang, mă loi j^ tơ drong jang đ^ đăng tơ pôl vang tơ gu\m tơ gop ăn tơ drong pơih xă an^h jang, lăm khăm, io\k tơ mât dơ\ng bơ ngai jang vă jang đang ‘lơ\ng hlo\h dơ\ng tơ drong jang vei lăng, năng tông jơ hngâm pran ăn kon pơ lei. Atu\m hăm ‘no\h, vang pơm tơ plih ming đon tơ che\ng, măt lăng hăm rim hnam pơ gang apu\ng, hơ nơ\ng pơ jing tơ drong ‘lơ\ng vă kon pơ lei lui păng truh khăm hơ met j^ tơ\ âu.

         Thu Huế - Bảo Châu: Chih

Dơ\ng: Tơ blơ\