VOV4.Bahnar - Hnam pơ gang Quân y 175- Anih tơm vei lăng khul linh tĕh đak ‘nao tơ mât yoa kơ măt set hơ len jĭ PCR kơ dâu kơ dih Alninity M đơ̆ng anih jang Abbot vă pơ yoa ăn tơ drong set hơ len, hơ met jĭ COVID-19, tơ jur ƀiơ̆ truh 1 puăt jơ gô set hơ len jĭ Sars-CoV-2 pơ têng hăm adrol ki.

Kơ măy set hơ len jĭ PCR kơ dâu kơ dih

‘Nâu jĭ kơ măy set hơ len ‘nao, gơ̆h set hơ len lơ PCR, kĕ set hơ len truh 300 kơ mẫu lơ̆m 8 jơ. Kiơ̆ kơ ‘nŏh, jơ pơ dreu hla ar set hơ len lơ̆m dang 2 truh 3 jơ păng dang 16 pơ nĭt gô đei hla ar set hơ len đơ̆ng rŏng dơ̆ng. Thoi nŏh jơ năr gô set hơ len PCR Sars Cov2 lăp pă dang hlŏh 2 jơ, hrơ hrei ƀiơ̆ hlŏh 1 puăt jơ gô, pơ têng hăm set hơ len adrol ki. Mă loi, kơ măy set hơ len PCR kơ dâu kơ dih Alninity M đei pơm tôch lăp hăm dôm kơ mẫu set hơ len, gơ̆h iŏk hơ met lơ̆m rim jơ năr mă ưh kăl gô kiơ păng ưh đei ƀơm kơ nê̆ truh kơ măy kơ dâu.

Dơ̆ng: Tơ blơ̆