VOV4.Bahnar - Hnam pơ gang Quân y 211, găh An^h pơ vih pơ văn, Quân đoàn 3, An^h tơm vei lăng khul linh te\h đak đei pơ jing sơ năm 1965, vang hơ met ăn kơ hre\ng rơ bâu linh rơ ka, j^ jăn lơ\m tơ drong tơ blăh Tây Nguyên, lơ\m khei ‘năr tơ blăh Mi do\ng te\h đak păng bơ\ jang tơ gu\m ‘lơ\ng hơ iă tơ\ Campuchia. Đơ\ng ro\ng tơ blăh rơ ngei, hnam pơ gang Quân y 211 hơ nơ\ng tơ mât jên jang pơm lăp hăm 2 tơ drong jang ‘no\h, hơ met ăn kăn [o#, linh lơ\m khul linh te\h đak păng kon pơ lei tơ\ tơ ring găh Tu Tây Nguyên, truh dang ei, hlôi đei năng j^ hnam pơ gang kơ loăi 1 tơ\ tơ ring Tây Nguyên.

Lơ\m 1 ‘măng ngôi tơ\ hnam ‘nho\ng o\h, yak jâng ho\h tơ\ trong đei lơ tơm ‘long tih, ‘nho\ng Trần Văn Điệp (24 sơ năm), tơ\ thôn Xuân Me, xăh Xuân Me, apu\ng Chư Prông, dêh char Gia Lai đei 1 kơ loăi [ih choh lôch kăp [ât tơ kong jâng. Ưh kơ đunh jâng ‘nho\ng Điệp pơ ‘ngie\h tôch tih, rơ ka đơ\ng [ih kăp pham le\ch hơ nơ\ng ưh gơ\h gơ\t. {ât đei bơ ngai lơ\m hnam chơ truh tơ\ hnam pơ gang Quân y 211, 2 păh blu, 2 păh ti ‘nho\ng le\ch pham [rông [rang, ‘nho\ng oei le\ch hloi pham muh, pham [ơ\r, hơ yô le\ch pham ‘năi. Đơ\ng ro\ng 1 năr đei huch pơ gang păng truyên pham ‘nho\ng Điệp hlôi găn đei pham luh. 1 gie\ng đơ\ng ro\ng, ‘nho\ng Điệp pă đei le\ch pham lơ\m hơ kâu jăn, hơ yô ưh pă đei pham, đei năng pă krê lôch răm bơih.

Chơt hơ iă mưh [ôh kon dro\ nglo đei đe [ak si tơ\ hnam pơ gang Quân y 211 do\ng erih, yă Vũ Thị Huệ, me\ ‘nho\ng Điệp pơ ma: “Kơ te\ch 3 năr, kon inh le\ch pham tôch lơ, đak hơ yô kon inh tơ tă pham ngăl. Hlôi 2 năr ‘nâu, kon inh hơ yô hmă dơ\ng. Pơ ma atu\m mât tơ\ âu đei đe [ak si khăm hơ met tôch ai. Dang ei kon inh gơ\h erih dơ\ng, inh tôch hơ iă. Pơ ma atu\m, đe [ak si đ^ jơ hngâm tơ gu\m do\ng.”

Hơ met hơ dai tơ\ khoa Chă jơ hngâm hăm bơ ngai j^ Điệp, oei đei [ok Nguyễn Xuân Dũng (60 sơ năm), oei tơ\ phương Tây Sơn, Th^ xăh An Khê, dêh char Gia Lai. {ok Dũng truh tơ\ hnam pơ gang yoa pơ\k ưh hơ dơ\r hloi. Đơ\ng ro\ng 17 năr đei [ak si adrin hơ met, [ok Dũng hơ dơ\r dơ\ng, gơ\h so\ng xa, nhă đak păng đei lơ tơ drong vă prăih hơ drăl dơ\ng.

Pơ ma găh tơ drong yoa kiơ mă chơ bơ ngai j^ kơ dâu hlo\h dôm j^t km vă hơ met tơ\ hnam pơ gang Quân y 211, ‘nho\ng Nguyễn Xuân Tiến, kon [ok Dũng ăn tơ băt: “Jơ hngâm jăn [ă inh dang ei đ^ sơ đơ\ng bơih. Kiơ\ đơ\ng ap^nh dôm bơ ngai j^ adrol ki, ku\m nhen chă hơ len năng hnam pơ gang, ‘no\h [ôh hnam pơ gang vei lăng bơ ngai j^ tôch ‘lơ\ng, đe [ak si bơ\ jang gơ\h dơ\ng, đei lơ bơ ngai lui kơ na inh chơ ba tơ\ âu. Mă đơ\ng ưh tro\ an^h ră, mă lei kho\m chơ ba [ă inh tơ\ âu vă gơ\h hơ met ‘lơ\ng [iơ\.”

Hrei ‘nâu, jo# păh lăp 1 năr Hnam pơ gang Quân y 211 io\k khăm hơ met ăn hlo\h 400 ‘nu bơ ngai j^, kơ so# giơng ăn bơ ngai j^ đei yoa hơ nơ\ng. Đơ\ng blu\ng sơ năm truh dang ei hnam pơ gang khăm hlo\h 55.600 ‘nu păng hơ met ăn hlo\h 11 rơ bâu ‘nu bơ ngai j^, răih ăn hlo\h 5.500 ‘nu bơ ngai. Vă hơ to\k tơ drong ‘lơ\ng mưh khăm hơ met j^, rim sơ năm hnam pơ gang năng kăl truh tơ drong pơm hơ to\k đon jang rơ gei ăn khul y [ak si, atu\m hăm ‘no\h hơ nơ\ng răt hơ met tôm kơ măy kơ mo\k ‘nao pơm lăp hăm tơ drong ‘me\h vă khăm hơ met j^ tơ\ tơ ring găh Tu Tây Nguyên.

Đại tá, [ak si CK1 Lê Quyết Thắng, Kơ dră vei lăng Khoa chă jơ hngâm pơ ma: “Khoa ‘nâu, găh an^h jang păng kơ măy kơ mo\k gơ\h pơ ma j^ 1 lơ\m dôm khoa hơ met j^ ‘lơ\ng hlo\h  tơ\ tơ ring. Hrei ‘nâu đei tôm lăm jang, lăm hơ met j^ ăl, lăm hơ met ăn bơ ngai chă jơ hngâm đơ\ng j^ jăn, pơ\k rơ ka, lăm hơ met j^ tơ po\h. Lăm chă jơ hngâm bơ\ jang tôch gle\h, mă lei mă tơ pă jang tơ drong ‘nâu tôch hơ iă. {ât lăp hơ met ăn dôm bơ ngai nge\h ưh kơ klăih bơih, j^ tôch ăl, mă lei đơ\ng ro\ng âu đe vih đơ\ng hnam pơ gang, đe sư klăih j^ ‘no\h tôch hơ iă.”

Hlo\h 50 sơ năm pơ jing păng jang to\k, truh dang ei, hnam pơ gang Quân y 211 đei 200 to\ giơng, hăm 17 khoa păng khul y [ak si đei hlo\h 300 ‘nu bơ ngai hăm jru\ ngăl. Sơ năm 2015, hnam pơ gang Quân y 211 đei đei năng j^ hnam pơ gang kơ loăi 1 tơ\ tơ ring Tây Nguyên.

Ku\m hăm 17 khoa hlôi đei dang ei, hnam pơ gang Quân y 211 oei adrin vă pơ jing dơ\ng 3 khoa hơ met j^ ‘nao: Khoa hơ met j^ ăl blu\ng a, khoa hơ met j^ ung thư, khoa hơ met j^ plei le\n; atu\m hăm ‘no\h tơ mât yoa lơ ki thuơ\t ‘nao lơ\m tơ drong hơ met j^. Hăm dôm tơ drong adrin ưh đei pơ dơ\h đơ\ng khul kơ dră che\p kơ\l, kăn [o#, y [ak si, hnam pơ gang Quân y 211 đei Đảng păng Te\h đak pôk ăn anăn Khul linh tơ blăh nuih mơng kơ kon pơ lei păng lơ mê đai kăp g^t nai hai. Păng 1 tơ mam hơ păh nai tôch kăp g^t dơ\ng ‘no\h j^ đon lui đơ\ng kon pơ lei dôm dêh char Tây Nguyên hlôi tơ\k hơ dăh tơ drong juăt “tơ guăt  pôm [ơ\r đon, nuih mơng, jang tơ năp, gơ\h, rơ gei tơ\ yăn âu” đơ\ng hnam pơ gang.

Dơ\ng: Tơ blơ\