VOV4.Bahnar - Hăm tơdrong ‘meh hrau hăm tơdrong erih kơ kon pơlei Êđê, xa dôm tơmam xa păng joh ayo\ Êđê, Câu lạc bộ jang hơnăn Khát Vọng Xanh Krông Ana tơ\ Dak Lak hlôi tơroh hăm tơring, pơjing lơ tơdrong tơmang răh rai truh unh hnam kon pơlei Êđê tơ\ rim pơlei pơla. Tơ\ âu, lơ tơmoi ưh kơ adro# hơlen băt găh joh ayo\ mă oei đei ako\m pai xa tơmam xa kơ kon pơlei tơ\ tơring.

          Pơhlom 9 jơ pơgê, hnam kơjung kơ Amí Nen, bơngai  Êđê tơ\ pơlei Ê Chăm, th^ tra#n Buôn Trăp, apu\ng Krông Ana, dêh char Dak Lak rơ ông rơ nag hloh, [ơ\t xơng tơmoi truh tơmang je# 30 ‘nu, lơ noh khul mơlôh. Hăm tơdrong tơroi chơng trong đơ\ng tơ ‘ngla hnam noh amí Nen, tơmoi chơt hơ iă chă hơlen băt dôm um ai joh ayo\ kră xơ\ kơ kon pơlei Êđê, nhen găh trong bơ\ hnam kơjung, pơro\ lơ\m hnam xơng tơmoi truh tơ\ hnam pai go\ găh ro\ng. Dro\ nglo noh atu\m băl chă et tơdrô ge, ho\k tôn chêng, drăkăn noh pợmuăt hăm tơdrong pai tơmam xa. Hơ iă nhen boăl mơlôh, Amí Nen pai xa răh tơroi răh ăn tơmoi băt tơmam xo\ng xa kơ unh hnam đei Tơ[ăng rơbua, ve\ch rơmo, ka chruơh tơ um, ier [uh, pro, hơdret rơba...: Rơbua noh athei năm io\k đơ\ng ‘năr adrol, kơlih lơ\m pơlei âu pă đei oei, athei năm tơ\ bri pe\ noh mă đei, hla [lang noh pe\ tơ\ mir dăh mă lơ\m pơgar duh đei to\ xe\t, oei ve\ch klak rơmo noh năm răt mă đei, oei ka chruơh noh răt vih tong hăm [oh [ôkngok păng tơ um hăp.

Đei pai kơdih dôm tơmam xa kiơ\ pơtho đơ\ng tơ ‘ngal pai xa, pơmai Nguyễn Thị Thu Hiền, sinh viên hnam trưng Đại học Tây Nguyên chơt hơ iă. Kiơ\ pơtho đơ\ng tơ ‘ngla hnam duh jing bơngai pai xa tơm, pơmai Hiền băt hơdăh, dôm tơmam xa kơ kon pơlei Êđê đei pai đei tơdrong tơguăt đơ\ng tơmam drăm phara băl, pai đunh noh xa hăp rơmuơn, dôm tơmam pai x^n hrau dih băl pơjing tơdrong ‘lơ\ng nham, [âu phu chrih chrai dêh. Păng tơdrong [ônh kơ băt hăm tơmam xa kơ kon pơlei Êđê noh tăng, hơ\: Dôm tơmam xa noh pai ưh kơ tơnap mă lei dôm tơmam xa kơ kon pơlei Êđê noh tơdrong lu\k lơ\k hla ‘nhot bri, ‘long bri vă pơjing tơmam xa tơbang đon bơnôh dơnưp kơ kon pơlei, tơbang tơdrong tơguăt [ơ\t dôm hơdre\ch ‘nhot lu\k lơ\k dih băl. Hram lơ\m inh noh tơdrong hăng păng tăng kơ pro.

          Tơmam xa x^n đei ‘nhăk jong ăh tong ane# hnam vă jong ăn tơmoi. Lơ\m hnam xơng tơmoi kơ hnam kơjung, tơmoi atu\m hăm tơ ‘ngla hnam pơma dơnuh, tơroi găh joh ayo\ khôi juăt kơ kon pơlei po, păng xo\ng xa răh. Atu\m hăm noh, tơmoi oei đei hru\k hơlen hơbe\n ao kră xơ\ yuơ kơdih drăkăn lơ\m unh hnam tanh. Hru\k lơ\m hơkâu hơbe\n ao tanh, hơbe\n văr, pơmai Hoàng Thị Hạnh, kô pơtho hnam trưng mầm non Hoa Sen, th^ tra#n Buôn Trấp, apu\ng Krông Ana tơroi, mơn mă blu\ng noh brai tanh che hơ[ơ\l, trong pơkao pơro\ ‘lơ\ng tơnăp: Mă blu\ng noh lăp tơpă, lăng guăng dêh. Lăng dôm hơbe\n ao noh đei bơngai tanh hăm ti, che rơmuơn hơ[ơ\l kơjăp. Hru\k lơ\m hơkâu rim năr noh inh kơche\ng hăm hơyuh ‘năr thoi âu noh to# tơpă lăh.

          ‘Nho\ng Đào Đức Hiệp, kơdră Kâu lak [o# Khát Vọng Xanh Krông Ana, bơngai pơgơ\r tơroh pơtoi ăn ‘măng tơmang ăn tơbăt, dôm tơdrong tơmang pơhiơ\ mini thoi âu đei kâu lak [o# tơmang đơ\ng xơnăm 2015. Đei đơ\ng tơdrong [ôh tơpă tơ\ dôm pơlei pơla kơ kon pơlei Êđê dang ei [ơ\t mă joh ayo\ kon pơlei to\k bo\k oei hiơt hiong, ‘meh vă đơ\ng tơdrong tơroi âu gô tơgu\m tơ iung tơdrong erih kơ pơlei pơla, tơgu\m răh khul mơlôh gơh chă ako\m pơhrăm dơh po hăm dôm tơdrong joha yo\ kră xơ\ hăm tơdrong erih ‘nao dang ei, đơ\ng noh hlôh vao lơ hloh găh joh ayo\ tơ\ tơring teh mă kơdih po oei erih: Hăm tơdrong ‘nho\ng oh găh tơdrong jang tơgu\m tơ\ tơring, noh inh kơche\ng gô đei trong hiôk vă ‘nho\ng oh pơhrăm băt găh tơdrong erih kơ kon pơlei kon kông, yuơ noh mă inh kơche\ng atu\m hăm ‘nho\ng oh lơ\m kâu lak [o# jang atu\m hăm tơring pơgơ\r dôm tơdrong tơmang mini găh joh ayo\ tơmam xa kơ kon pơlei Êđê. Đơ\ng noh gô tơgu\m mă mônh pơm trong hiôk vă bôl boăl mơlôh gơh chă hơlen băt tơdrong ‘lơ\ng găh joh ayo\ kră xơ\ kơ kon pơlei kon kông, mă 2 noh, tơ iung um ai joh ayo\ kră xơ\  mă to\k bo\k oei tep hlơ\k kơ tơring yuơ hu\i mă kơjă joh ayo\ đei io\k tơbang lơ\m ‘măng têt, ‘măng lêh. Oei găh tơmam xa, găh hơbe\n ao hru\k kră xơ\ păng khôi kră xơ\ nai noh ưh kơ gan io\k tơbang.

          Đơ\ng blu\ng xơnăm truh dang ei, Kâu lak [o# Khát Vọng Xanh Krông Ana hlôi pơih đei 6 ‘măng tơmang mini vih tơ\ dôm pơlei pơla Êđê tơ\ th^ tra#n Buôn Trấp, xăh Dur Kmăn păng xăh Ea Bông kơ apu\ng Krông Ana. Ưh kơ adro# hơvơn kơ boăl mơlôh lơ\m kâu lak [o#, tơdrong  “Hơlen băt joh ayo\ tơmam xa kơ kon pơlei  Êđê” hlôi đei tơmoi băt truh, minh [ar anih jang Đoàn tơ\ dôm apu\ng, th^ tra#n nai lơ\m dêh char Dak Lak duh vang jang, ho\k hơlen vih jang tơ\ tơring. Ưh kơ adro# vă tơmoi ho\k hơlen joh ayo\, tơmam xa kơ kon pơlei Êđê, âu oei jing ‘măng tơ iung dơ\ng um ai ‘lơ\ng ro\ lơ\m tơdrong erih kơ kon pơlei tơ\ tơring, kơlih nhen Amí Nen tơroi, đơ\ng xơ\ bơbu\ng hnam kơjung kơ yă pơtơm đei lơ bơngai ako\m chơt hơ iă păng đei tơmơ\ng jơva ching chêng ang nhen thoi âu.

Lan chih păng rapor