VOV4.Bahnar - ‘Nao âu, Anih Joh ayo\ - Tơplo\ng kơdâu păng Tơmang pơhiơ\ plei tơm Buôn Ma Thuột hlôi pơgơ\r Pơlong hri then – bro\ t^nh pơih xă ‘măng mă mônh. Mă ‘măng blu\ng pơgơ\r mă lei tơdrong pơlong hlôi đei lơ tơdrong ako\m đơ\ng kon pơlei Tày, Nùng tơ\ Đăk Lăk, hăm lơ tơdrong pơdăh kăp g^t, đei tơdrong tơroh păng ako\m đơ\ng lơ hnưr bơngai.   

Pơgenh ăh oei gô khul nai pơdăh pơlong, pơmai Nông Thị Hường păng dôm bơngai lơ\m khul pơdreh bro\ t^nh  – hri then apu\ng Lăk, dêh char Đăk Lăk chă pơta#p dôm tơdrong pơlong kơ khul po. Pơmai Hường ăn tơbăt: Hloh 10 xơnămởtuh erih jang xa tơ\ Đăk Lăk, jơva bro\ t^nh, tơdra hri then pơlei pơla duh oei đei rim unh hnam bơngai Tày, Nùng ‘nhăk ba păng chă pơdreh. Ăh kơtơ\ng đei pơgơ\r tơdrong pơlong, 9 ‘nu lơ\m khul to\k bo\k oei erih pơm jang tơ\ dôm thôn lơ\m xăh Đăk Nuê, apu\ng Lăk, hlôi ako\m jing minh khul păng atu\m pơta#p pơhrăm vă pơlong: “Ăh truh erih jang xa tơ\ âu noh duh hrơ hrâu hăm lơ hơdrung bơngai nai noh vă ako\m pơta#p adoi tơnap mơ\n mă lei hăm đon lăp noh nhôn duh pơxo# băl atu\m chă pơhrăm, adrol hloh noh yuơ tơdrong lăp noh nhôn duh oei pơgenh pơta#p đơ\ng ro\ng kơ jơ pơm jang”.

Tơdrong pơlong pơdreh bro\ t^nh – tơdra hri then plei tơm Buôn Ma Thuột pơih xă xơnăm 2020 hơvơn đei hloh 100 nge# nhơ\n lơ\m 8 khul pơlong kơ plei tơm Buôn Ma Thuột păng 7 apu\ng lơ\m dêh char Đăk Lăk vang ako\m. Rim khul pơlong pơdăh 5 tơdrong kiơ\ pơkăp pơdăh khul, pơdăh 2 ‘nu, pơdăh pơdreh bro\ hri hơxuang, hăm hơnăn hơ ‘nguơ\u kơ pơlei pơla, teh đak, hơ ‘nguơ\u kơ Đảng păng {ok Hô ‘mêm kơ eng. Minh [ar khul oei pơdăh dôm [ai hri then kră xơ\, hơdăh nhen tơdrong pơdăh “Lên chợ trời” yuơ nge# nhơ\n Nông Thị Vườn tơ\ Buôn Ma Thuột pơdăh păng tơdrong pơdăh “Cốc tính” yuơ nge# nhơ\n Lương Văn Kim tơ\ apu\ng Lăk pơdăh) đei Jơnu\m cha#m hơlen hmach bơnê găh tơdrong ‘lơ\ng păng tơnăp rơhao lơ\m pơdăh tơ\ chơnang.

Yă Hoàng Thị Dung, tơ\ xăh Chuôr Knia, apu\ng Buôn Đôn tơroi, yă chơt hơ iă [ơ\t đei ako\m pơdăh ‘măng mă âu. Đơ\ng ro\ng je# 20 xơnăm ataih đơ\ng pơlei pơla, truh dang ei yă pơtơm đei erih lơ\m tơdrong hơ iă kơ tơdra hri then, tơdra bro\ t^nh juăt jue kơ pơlei pơla, đei tơmơ\ng dôm tơdra juăt jue kơ um ai joh ayo\ hơdrung hơdre\ch po kơtă tơ\ hơgăt teh groi kông Đăk Lăk: “Inh vơch kơ jơhngơ\m, to\k bo\k oei hri inh tôch hơ ‘nơ\k. Inh [ôh ‘măng pơlong hri then mă âu kăp g^t tih tên hăm tơdrong hri then kơ hơdrung bơngai Tày, Nùng. ‘Nâu duh jing ‘măng vă tôm đe ‘nho\ng pơmai oh chă ako\m ho\k hơlen hăm dôm nge# nhơ\n đơ\ng dôma pu\ng nai. Găh tơring nhôn noh um ai joh ayo\ kơ bơngai Tày, Nùng duh ưh kơlai yơ hiơt hiong kơlih rim bơngai adoi kơche\ng pơm thoi yơ gơh vei răk tơ[ăk mong um ai joh ayo\ kơ po hơnơ\ng yak hadoi hăm dôm tơdrong hri nai kơ Việt Nam păng kơ dôm hơdrung bơngai”.

Tơdrong pơlong âu jing ‘năr ako\m kơ dôm nge# nhơ\n lăp kơ tơdra bro\ t^nh, hri then, ‘meh vă vei răk tơ[ăk mong kơjă kăp g^t kơ tơdrong joh ayo\ âu tơ\ Đăk Lăk. Kiơ\ xơkơ\t đơ\ng jơnu\m cha#m hơlen, dôm tơdrong pơdăh noh [ônh hiôl đe\ch mă lei hăp hram đei tơdrong ako\m đơ\ng tơpang ti gơh rơgei đơ\ng đe drăkăn păng dro\nglo hloi, đơ\ng bơngai xơnăm ‘lo\ truh tơ\ bơngai mơlôh. Minh [ar khul pơjing tơdrong pơdăh tơnăp gơh rơgei tơgop hơto\k ăn tơdrong hri then – bro\ t^nh kăp g^t hloh. Gru grua kơ tơdrong tơroh đơ\ng rim hnưr bơngai đei tơbang hơdăh, atu\m hăm đe nge# nhơ\n ‘lo\ xơnăm oei đei dôm bơngai xơnăm oei mơlôh mă lei kloh kle\ch găh tơdrong hri then păng pơdreh bro\ t^nh.

{ok Đoàn Văn Thống, Kơdră Anih Joh ayo\, Tơplo\ng kơdâu păng Tơmang pơhiơ\ plei tơm Buôn Ma Thuột akhan, tơdrong pơlong đei pơgơ\r tro\ ăh ‘măng tơbăt ‘năr UNESCO xơkơ\t Io\k pơkăp then jing khôi xoi tơbeh kơ bơngai Tày, Nùng jing mu\k drăm Joh ayo\ kăp g^t kơ hơdrung kon bơngai. ‘Nâu ưh adro# jing tơdrong hơ iă kơ dôm hơdrung bơngai kon kông đei yua bro\ t^nh hri then nhen Tày, Nùng, Thái... mă oei jing tơdrong hơ iă atu\m kơ tơpôl kon pơlei kon kông Việt Nam. Yuơ noh, tơdrong pơlong roi jing kăp g^t hloh hăm hơdrung bơngai Tày, Thái, Nùng tơ\ Đăk Lăk: “Mă mônh noh vei răk tơ[ăk mong kơjă joh ayo\ kơ hơdrung bơngai kon kông lơ\m noh đei hơdrung bơngai Tày, Nùng. Mă [ar noh nhôn pơm trong hiôk vă ăn đe nge# nhơ\n ako\m ho\k hơlen hlôh vao dih băl găh tơdrong chih pơcheh dôm [ai hri then vă mă tro\ hăm tơdrong erih hrei âu. Păng kiơ\ đơ\ng tơdrong pơlong âu pơm trong hiôk ăn kon pơlei Tày, Nùng gơh pơtruh nơ\r hri hơ ‘nguơ\u kơ pơlei pơla, teh đak păng {ok Hô ‘mêm kơ eng vă pơtho găh đon bơnôh ‘lơ\ng ăn kon pơlei ". (Nền đoạn hát then đàn tính)

Tơdrong pơlong hri then – bro\ t^nh pơih xă jing ‘măng vă dôm kâu lak [o# chă tơjra#m băl, pơma dơnuh păng vei răk tơ[ăk mong tơnăp hloh dôm [ai hri then, tơdra bro\ t^nh, pơm hơto\k ‘lơ\ng ăn tơdrong erih đon bơnôh kơ hơdrung bơngai Tày, Thái, Nùng to\k bo\k oei erih jang xa tơ\ Đăk Lăk.

Lan chih păng rapor