VOV4.Bahnar - Anih tơm vei lăng găh tơ drong jang pơ gang tơ băt đơ̆ng dang ei truh hơ tuch sơ năm 2021, kơ sô̆ vaccine bơ̆ng jĭ Covid-19 gô vih lơ, kơ na rim tơ ring kăl kơ hơ met ăn tôm bơ ngai jang, tơ mam drăm păng dôm tơ drong hiôk kăl hloh vă hơ tŏk hrĕnh ƀet bơ̆ng vă hơ tŏk hrĕnh ƀet lơ vaccine. Kiơ̆ đơ̆ng noh pơm tơ drong hiôk gĭt kăl vă pơm lăp sơ đơ̆ng hăm jĭ hơ buh hai, hơ tŏk tơ iung mŭk drăm - tơ pôl hai. Kiơ̆ tơ roi tơ băt đơ̆ng Anih jang pơ gang tang găn hiă păng Anih jang Vệ sinh dịch tễ T.Ư, truh đĭ ‘năr 10/10, Việt Nam hlôi sơng iŏk hloh 87 triệu kơ liêu vaccine bơ̆ng jĭ Covid-19 păng hlôi bơ̆ jang kiơ̆ 57 ‘măng klăih song hăm kơ sô̆ 81,7 triệu kơ liêu vaccine ăn kơ rim tơ ring. Tơ chĕng hơ drol lơ̆m tơ̆ hơ năp kơnh vắc-xin gô đei tơ mơ̆t vih lơ. Vă vei sơ đơ̆ng iŏk yua vaccine tơ tĕnh, đei yua, Anih tơm vei lăng găh jang pơ gang athei rim dêh char, pơ lei tơm lăng tơ drong jang ƀet vaccine bơ̆ng jĭ Covid-19 ‘noh jĭ hơ năp jang tơm, tơ gŭm hơ drol lơ̆m khei ‘năr dang ei.

Thuem: Tơ blơ̆