VOV4.Bahnar - Anih tơm vei lăng găh tơ drong jang pơ gang ‘nao đei hla ar kăl gơ̆ih kơ Anih vei lăng kon pơ lei rim dêh char pơ lei tơm kơ Trung ương găh tơ drong hơ tŏk loi dơ̆ng tang găn jĭ jơ̆ng – ti – ƀơ̆r. Đơ̆ng blŭng sơ năm truh dang ei, lơ̆m teh đak đei vă jê̆ 17.500 ‘nu jĭ jơ̆ng – ti – ƀơ̆r, lơ̆m noh đei 4 ‘nu lôch. Pơ têng hăm khei ‘năr âu kơ sơ năm sơ̆, kơ sô̆ bơ ngai jĭ tŏk hloh 4 ‘măng păng tŏk găh lơ tơ̆ tơ ring pơ băh. Vă hơ tŏk loi dơ̆ng tang găn jĭ jơ̆ng – ti – ƀơ̆r, vă tơ jur truh tŏ sĕt hloh kơ sô̆ bơ ngai jĭ, lôch, ư̆h kơ lê̆ jĭ tơ poh lanh să păng pơ dui đunh, Anih tơm vei lăng găh tơ drong jang pơ gang hlôi đei Hla ar kơ sô̆ 2527/BYT-DP gơ̆ih kơ Anih vei lăng kon pơ lei dêh char găh Trung ương athei pơ gơ̆r tơ lĕch jang 1,2 tơ drong tơm găh hơ tŏk loi dơ̆ng tang găn jĭ jơ̆ng – ti – ƀơ̆r.

Thuem: Tơ blơ̆