VOV4.Bahnar - Kiơ̆ đơ̆ng Dơnŏ anĭh chĕp pơgơ̆r Hơnĭh mong răk vaccine tang găn jĭ Covid-19, jô̆ trŭh năr 18/8, Hơnĭh mong răk vaccine tang găn jĭ Covid-19 sơng iŏk đei 8.626 ti hlak jên, hăm hlŏh 5.000 khŭl păng rim bơngai vang chă tơra tơgŭm. Dơnŏ anĭh chĕp pơgơ̆r hlôi tơlĕch kon jên kla ăn vă jê̆ 200 ti hlak jên răt vaccine, kon jên uơ oei dang 8.429 ti hlak jên. Đơ̆ng dang ei trŭh đĭ sơnăm, kiơ̆ trong vă jang gô ƀet ăn 75 trĭu ‘nu bơngai păng kon jên kăl đei dang 25.200 ti hlak jên; lơ̆m au, kon jên tĕh đak hơmet ăn đei hlŏh 14.000 ti hlak jên păng kăl đei dơ̆ng dang 11.000 ti hlak jên. Dơnŏ anĭh tơm bơ̆ jang jên hu hlôi jang hơdoi hăm rim hơnĭh pơjing trang wweb Hơnĭh mong răk vaccine păng tơroi tơbăt găh Hơnĭh mong răk đei tơbăt hơdăh lơ̆m trang web au.

Tơblơ̆ nơ̆r: Amazưt