VOV4.Bahnar - Đơ\ng ro\ng 11 xơnăm ưh đei bơngai j^, khei 10 âu ki, tơdrong j^ [ăch hâu lang xă hơlơ\k tơ\ dêh char Kon Tum pơm 2 ‘nu bơngai j^ lôch păng 1 ‘nu j^ hlăm. Truh khei 11, pơtoi đei 10 ‘nu dơ\ng j^ mơ\t hơmet tơ\ hnam pơgang, lơ\m noh 7 ‘nu khăm xơkơ\t dương tinh [ơm pơrang j^ [ăch hâu. Tơdrong mă j^ [ăch hâu lang xă hơlơ\k dơ\ng, tơpoh lơ\m tơpôl păng tơpă tơdrong hơmet bơngai [ơm tơdrong j^ âu tơ\ anih jang y te# ăn [ôh, hlôi đei tơdrong ưh tơnăp đơ\ng anih jang yte# tơ\ tơring hăm tơdrong j^ hli hlơt âu.

Đơ\ng ro\ng hloh 5 khei [ôh đei bơngai j^ mă blu\ng, jo# truh năr 21/11 anih jang yte# dêh char Kon Tum hlôi xơkơ\t tơ\ 3 apu\ng, Đak Hà, Đak Tô păng Tu Mơ Rông đei truh 6 anih đei j^ [ăch hâu. Ưh adro# tơpoh tơ\ tơring kon pơlei, minh anih [ơm j^ [ăch hâu oei đei [ôh tơ\ hnam trưng PTDT No#i tru\ apu\ng Đak Tô. Ăh tong ane# khei 11 âu ki, 4 ‘nu ho\k tro kơ hnam trưng âu đei ‘nhăk ka#p kư\u tơ\ Khoa Y học Nhiệt đới, Hnam pơgang tơm dêh char Kon Tum hơlen pham adoi đei xơkơ\t dương tính hăm pơrang j^ [ăch hâu. {ak sih A Nhôm, Pho\ kơdră Anih jang Y te# apu\ng Đak Tô xơkơ\t, đơ\ng ro\ng kơ j^ [ăch hâu lang xă kơtang ăh khei 10 âu ki, anih jang yte# dêh char Kon Tum hlôi tơle\ch lơ trong tang găn pơrang j^ tơpoh, cho\ng mă j^ [ăch hâu tơ\ tơring pơtoi lang xă hli hlơt hloh:“Hăm tơdrong j^ [ăch hâu lang xă hlo hlơt thoi âu. Anih mă blu\ng noh pơlei Tê Peng, xăh Đăk Trăm. Đơ\ng ro\ng kơ noh đei [ôh tơ\ xăh Kon Đào. Đei 4 ‘nu dương tính hăm pơrang j^ [ăch hâu noh tơ\ xăh Văn Lem, Pô Kô păng minh thôn kơ kon pơlei kon kông noh Đak Rao”.

Lơ\m kơplăh anih jang yte# dêh char Kon Tum tam mă ke\ hơlen hơmet tơdrong j^ [ăch hâu lang xă lơ\m tơpôl noh tơ\ Khoa Y học Nhiệt đới, Hnam pơgang tơm dêh char, tơdrong hơmet ăn bơngai j^ oei tơjra#m lơ tơnap tap. Kiơ\ pơkăp đơ\ng Khoa mă âu đei 20 giơng [^ch hơmet j^ mă lei tơpă bơngai j^ lơ hloh 2 ‘măng hloi. Yuơ kơxo# bơngai j^ kơdra#m, anih hơmet j^ ưh kơ măh noh tơdrong tơklăh dôm bơngai j^ [ăch hâu jang ưh đei tơnăp, pơkăp axong oei pha pơm jang ưh đei kơjăp. ‘Nguaih kơ noh, bơngai j^ [ăch hâu adro# đei hơmet hăm pơgang khang sinh, [et siru\m vă hơto\k pran ăn bơngai j^ đe\ch. {ak sih Ngô Đây, Kơdră Khoa Y học Nhiệt đới, Hnam pơgang tơm dêh char Kon Tum ăn tơbăt, hnam pơgang dang ei ưh đei kơloăi pơgang kăp g^t vă hơmet ăn bơngai j^ [ăch hâu: “Tơpă noh athei đei pơgang tơjră hăm pơrang noh mă ke\ hơmet klaih j^ [ăch hâu. Mă lei tơ\ hnam pơgang Kon Tum duh nhen lơ tơring nai lơ\m ja#p teh đak dang ei ưh đei noh jing minh tơdrong pơgăn, minh tơdrong tơnap lơ\m tơdrong hơmet j^. Kơlih SAD noh ưh pơgang yơ gơh pơtăl. Nhôn adro# hơmet hăm pơgang khang sinh đe\ch, [et siru\m vă hơto\k pran ăn bơngai j^. Hơmet tơ\ng đei tơplih tơdrong j^ nai đe\ch”.

        Đơ\ng ro\ng dêh char Kon Tum đei bơngai j^ [ăch hâu mă blu\ng păng lôch ăh khei 5 âu ki, Anih jang y te# tơ\ tơring hlôi pơtruh hla bar ăn Anih tơm Y te#. Truh năr 11/10/ 2018, Anih tơm vei hơlen pơgang pơrang j^ pơtơm đei hla bar tơl nơ\r, hlôi pơjao ăn Anih pơm tơle\ch vắc xin sinh phẩm Đức Minh răt tơmơ\t pơgang vă hơmet j^ [ăch hâu đơ\ng teh đak đe hăm kơxo# pơkăp 100 kơliêu pơgang, lơ\m noh dêh char Kon Tum 40 kơliêu pơgang. Kiơ\ [ak sih Đào Duy Khánh, Kơdră Anih jang Y te# dêh char Kon Tum, đei kơtơ\ng akhan pơgang hơmet j^ [ăch hâu dang ei hlôi truh tơ\ Việt Nam, cho\ng mă hăm lơ tơdrong, hrôih hloh athei blu\ng khei 12 ‘mơ\i anih jang yte# tơ\ tơring pơtơm đei pơgang vă hơmet ăn bơngai j^. Thoi noh hăm tơdrong tam mă ke\ tang găn pơrang j^ [ăch hâu tơpoh lang xă lơ\m tơpôl, tam mă đei pơgang hơmet ăn bơngai j^, jăh vă akhan, hlôi đei tơdrong ưh tơnăp đơ\ng anih jang yte# dêh char Kon Tum lơ\m tơdrong tang găn, hơmet tơdrong j^ hli hlơt pơm kon bơngai lôch răm âu.

Lan chih păng rapor