Đăk Lăk: Adoi tam mă chă răt kơmăi kơmŏk hơmet jĭ jăn kiơ̆ Tơchơ̆t 30 păng Tơchơ̆t 07
Thứ năm, 12:50, 23/03/2023
VOV Tây Nguyên/Lan tơblơ̆
VOV Tây Nguyên/Lan tơblơ̆
VOV4.Bahnar – Ƀok Nguyễn Đại Phong, Kơdră Hnam pơgang Tơm tơring Tây Nguyên, tơ̆ Đăk Lăk ăn tơbăt, truh khei năr âu, Hnam pơgang duh tam mă tơlĕch răt pơgang, păng kơmăi kơmŏk, tơmam hơmet jĭ kiơ̆ Tơchơ̆t 30 păng Tơchơ̆t 07 kơyuơ oei tơhlăk lơ tơdrong tơrĕk truh luơ̆t pơkăp răt tơmam drăm
Tơblang găh tơdrong âu, ƀok Nguyễn Đại Phong akhan Tơchơ̆t 30 păng Tơchơ̆t 07 đei tơbang ưh kơsĭ dôm anih jang hơmet jĭ jăn gô pơm kiơ̆ hloi tơdrong răt pơgang păng tơmam drăm kơmăi kơmŏk hơmet jĭ jăn mă adoi oei pơm hla bar pơkăp 'mơ̆i. Khei năr iŏk jang athei gô đơ̆ng 4 truh 6 khei. Atŭm hăm noh, kơyuơ lơ kơmăi kơmŏk hơmet jĭ noh răt đơ̆ng teh đak đe, lơ̆m kơplăh dang ei tơmam drăm âu ưh đei kơyuơ răm đơ̆ng pơrang jĭ păng tơblăh tơblŭng, noh mă hlôi pơklaih găh trong tơchơ̆t jang mă lei adoi tam mă đei kơmăi kơmŏk vă chă răt tơmơ̆t.
Viết bình luận