VOV4.Bahnar - Kiơ̆ Anih vei lăng tơ drong jĭ jăn dêh char Dak Lak, tơ̆ dêh char ‘nao đei dơ̆ng 1 ‘nu bơ ngai lôch yoa đơ̆ng jĭ COVID-19. ‘Nâu jĭ bơ ngai mă 2 tơ̆ Dak Lak lôch yoa đơ̆ng jĭ COVID-19 lơ̆m khei 10 ‘nâu. Bơ ngai lôch rơ nĕh sơ năm 1932, tơ̆ plei Bắc Trung, xăh Ea Tân, apŭng Krông Năng.

Anih hơ met ăn bơ ngai jĭ COVID -19 tơ̆ Hnam pơ gang Đa khoa tơ ring Tây Nguyên

Adrol kơ ‘nŏh, ‘năr 3/10, bơ ngai jĭ oei tơ̆ hnam ƀôh lap, yuh, hơ nơ̆ng kơ hiĕn kơ na năm khăm tơ̆ Hnam pơ gang apŭng Krông Năng, mưh test hrĕnh ‘nŏh đei ƀôh tơ pŏh virus SARS-CoV-2. Hơ dai lơ̆m năr, bơ ngai jĭ đei chơ hơ met tơ̆ anih hơ met jĭ COVID-19 tơ̆ Hnam pơ gang Đa khoa tơ ring Tây Nguyên. Đơ̆ng rŏng 10 năr hơ met tôch pơ nĕh, mă lei yoa đĭ kră bơih, kŭm hăm tơ drong jĭ đơ̆ng pơ̆k hơ drol ki, ưh kơ măh pham păng tam đei ƀet bơ̆ng vắc xin tang găn jĭ COVID -19 kơ na bơ ngai jĭ hlôi lôch.

VOV Tây Nguyên/Dơ̆ng tơ blơ̆