Lăp đơ̆ng rŏng ƀôh rim bơngai tơpoh jĭ, khul ƀok thây pơgang hlôi năm dăr lăng hơlen tơdrong jĭ jăn hloi. Iung jang pruih pơgang ChloraminB pơlôch sơmach jĭ păng ƀơk ChloraminB ăn rim hnam trương đei hŏk tro jĭ vă pruih pơlôch sơmach jĭ rim năr. Adoi pơtho tơbăt ăn ŭnh hnam đei bơngai jĭ vei lăng năng tông ‘lơ̆ng hơ iă, pơtho tơbăt, athei ăn kon pơlei lơ̆m tơring năm ƀet pơgang vaccine tang găn jĭ lĕch đe (jĭ pơsrei) păng tơdăh ƀôh chĕp pơlŏ, chă pơ-‘ngeh ƀre ƀrônh đei đuh đak ‘nŏh năm tơ̆ hnam pơgang hloi vă hơmet tơtom.

Kiơ̆ đơ̆ng Hơnih Dăr lăng jĭ jăn dêh char Đak lăk, đơ̆ng blŭng sơnăm au truh dang ei lơm dêh char đei 44 ‘nu bơngai jĭ tơ̆ rim apŭng, thĭ xah, pơlei tơm. Dôm bơngai ƀôh tơpoh jĭ lơ ‘nŏh đe hơ iŏh tim mă truh 15 sơnăm păng hmă hmă đei ƀôh lơ tơ̆ hnam trương Mâm non păng Jăl kơđeh.