VOV4.Bahnar – Kiơ̆ tơroi đơ̆ng Anih Hơlen pơrang jĭ jăn dêh char Đăk Lăk, dêh char xơkơ̆t đei dơ̆ng minh 'nu ƀơm jĭ COVID-19 lôch hơchăng. 'Nâu jing bơngai lôch mă 273 kơyuơ ƀơm jĭ COVID-19 lơ̆m dêh char.  Bơngai jĭ âu rơneh xơnăm 1947, tơ̆ thôn 4, xăh Hòa Tân, apŭng Krông Bông.

Adrol kơ noh, năr 25/9, bơngai lap, pơlŏ, năm khăm tơ̆ Anih jang Y tê̆ apŭng Krông Bông, hơmet jĭ ưh đei da ƀiơ̆ noh pơtruh tơ̆ Hnam pơgang tơm Tây Nguyên. Tơ̆ âu, bơngai jĭ đei test renh COVID  -19 păng ƀôh dương tĭnh hăm SARS-CoV-2. Atŭm 'năr, bơngai jĭ đei pơtruh anih 'măn hơmet jĭ COVID-19 tơ̆ Hnam pơgang tơm Tây Nguyên. Đơ̆ng rŏng 5 năr hơmet jĭ, kơyuơ xơnăm 'lŏ ƀơm lơ tơdrong jĭ nhen: jĭ plei lĕn, jĭ trong huan, tŏk huyêt ap, jĭ yô đak xĭk type 2, bơngai jĭ âu lôch hơchăng ăh năr 30/9. Tơrĕk hloh noh, bơngai jĭ tam mă ƀet vaccine bơ̆ng jĭ COVID-19.

VOV/Lan tơblơ̆ nơ̆r