VOV4.Bahnar - Năr 16/2, Hnam pơgang Đăi hŏk Buôn Ma Thuột (tơ̆ phương Tân An, Pơlei tơm Buôn Ma Thuột, dêh char Dak Lăk) hlôi pơgơ̆r et hơtŏk păng tơmơ̆t jang.

Kăt che et hơtŏk Hnam pơgang

Kon jên pơm hnam pơgang au hlŏh 600 ti hlak jên, hnam pơgang đei 200 giơng hăm rim hơnĭh ming hơmet jĭ jăn kăl nhen: Ngoại Tổng Quát; Ngoại Thần Kinh; Nội Tổng hợp; Phụ Sản; Hơnĭh jang tơgŭm hơnhơl IVF; Tim Mạch Can Thiệp; Khăm hơlen hăm kmăi kmŏk;Khăm hơlen pham; Hơlen păng hơmet jĭ ôm sĕch; Hơnĭh Hơmet Sơnĕnh - Hơnĭh răih hơmet pơ djong ... Hnam pơgang hơmet ăn tôm kmăi kmŏk khăm hơlen kiơ̆ rup păng ming hơmet gơ̆h hơgei. Tơdrong pơjing Hnam pơgang Đăi hŏk Buôn Ma Thuột gô tơgŭm ăn rim hnam pơgang kơpal hoei hrăt hrot, mă kăl lăp đon hăm tơdrong ‘mĕh vă răih ming hơmet jĭ jăn, ming hơmet ư̆h kơ đei kon hơ ‘lơ̆p ... hăm trong hơmet gơ̆h hơgei, ‘lơ̆ng hơ iă hơtŏ lơ̆m apŭng plĕnh tĕh.

Tơblơ̆ nơ̆r: Amazưt