Anih jang pơgang Dak lak tơchĕng vă pơjao Khul jang pơgang tang găn jĭ ăn Anih vei lăng kon pơlei dôm apŭng, thĭ xăh, plt vă vang hơmet pơ ‘lơ̆ng tơdrong ‘nâu. Kiơ̆ Anih vei lăng tơdrong jang pơgang Dak Lak, lơ̆m dêh char oei ưh kơmăh hlŏh 1700 ƀiên chê̆ bơngai jang pơgang, păng lăp đei 7,15 ƀak si ăn 1 rơbăn ‘nu kon pơlei pơtêng hăm tơdrong hơgăt ‘nŏh 8 ‘nu ƀak si ăn 1 rơbăn ‘nu kon pơlei. 

Tơdrong hrăt hrot bơngai jĭ oei đei tơ̆ lơ hnam pơgang lơ̆m dêh char. Vă hơmet pơ ‘lơ̆ng tơdrong ‘nâu, anih jang pơgang Dak Lak tơchĕng vă pơjao Grŭp jang pơgang tang găn tơdrong jĭ ăn dôm tơring vei lăng păng tơmât jên jang. Anih jang pơgang kŭm oei pơjing 1 tơdrong jang iŏk yoa ƀak si đơ̆ng ‘ngoăih mât khăm, hơmet jĭ tơ̆ dôm hnam pơgang tĕh đak păng kla jên mă tơgăl hăm tơdrong jang.