VOV4.Bahnar - Kiơ̆ kơ sô̆ chih jô̆ đơ̆ng Anih vei lăng tơ drong jĭ jăn dêh char Dak Lak, jô̆ truh ‘năr 28/9, lơ̆m dêh char đei 729 ‘nu jĭ jơ̆ng ti ƀơ̆r tŏk hloh 30% pơ têng hăm khei ‘nâu sơ năm 2021. Kơ sô̆ bơ ngai jĭ đei chih iŏk tơ̆ 15/15 apŭng, thị xăh, pơ lei tơm kơ dêh char, lơ̆m noh 1,2 tơ ring đei bơ ngai jĭ jơ̆ng ti ƀơ̆r lơ nhen pơ lei tơm Buôn Ma Thuột, apŭng Buôn Đôn, Cư M’gar, Krông Pách păng thị xã Buôn Hồ.

Ƀak si Khoa hơ met hơ ioh jĭ - Hnam pơ gang Đa khoa tơ ring Tây Nguyên khăm ăn hơ ioh jĭ jơ̆ng ti ƀơ̆r

Ƀok Lê Phúc - Phŏ Kơ dră Anih vei lăng tơ drong jĭ jăn dêh char Dak Lak tơ băt, vă găn tơ drong tơ poh lanh đơ̆ng jĭ jơ̆ng ti ƀơ̆r, anih jang pơ gang Dak Lak gô dăr hơ len kơ jăp tơ drong jĭ, tơ tom chă ƀôh dôm anih jĭ ‘nao đei, gơ var tơ ring, hơ met mă ‘lơ̆ng hơ nih đei jĭ păng tơ gŭm hnam pơ gang apŭng, xăh lơ̆m tơ drong tang găn hơ nih jĭ, kâp kư̆u, hơ met mưh kăl.

VOV Tây Nguyên - Thuem: Tơ blơ̆ nơ̆r