VOV4.Bahnar – Jo# đơ\ng khei 12/2021, ăh pơrang j^ hơbuh hli pơtoi đei lơ bơngai [ơm j^ Covid -19, dêh char Đăk Lăk drơ\ng nơ\r pơkăp ăn dôm bơngai [ơm j^ Covid-19 lơ\m tơring plei tơm Buôn Ma Thuột gơh hơmet j^, pơkăp oei tơklăh tơ\ hnam. Vă tơjur [iơ\ tơdrong hrat ăn anih jang y te#, minh khul [ak sih lơ\m tơring kơ plei tơm Buôn Ma Thuột hlôi rơhu\ ako\m khul jang online ưh kơ io\k jên păng tơgu\m ăn bơngai [ơm j^ F0 tơ\ hnam.        

          Đơ\ng ro\ng kơ băt kơdih po [ơm j^ Covid -19, pơmai Cao Thị Thanh Phương, oei tơ\ tơring 2, phương Tân Hòa pơngơ\t kơ đon, kơlih tơ\ hnam oei đei 2 'nu kon ie\. Đei bôl boăl tơroi ăn khul Tơgu\m hơmet F0 tơ\ hnam tơ\ dêh char Đăk Lăk, pơmai hlôi krao đie#nt hoăi gơnơm tơgu\m, kơyuơ noh hlôi hloh hlăng tơdrong hli, pơm kiơ\ dôm tơdrong pơtho đơ\ng khul [ak sih, xơđơ\ng găn hloh pơrang j^: “Inh băt kơdih noh [ơm F0, inh pơngơ\t kơ đon, apinh pơkăp oei tơklăh tơ\ hnam đơ\ng ro\ng kơ noh đei bôl boăl tơroi tơbăt đei khul [ak sih Hòa Anh hơmet F0 tơ\ hnam. Lơ\m khul [ak sih Hòa Anh rim bơngai dăp đon dăp bơnôh, rim năr đe [ak sih, điu yưng krao đie#n thoăi apinh jet khăm hơlen jơhngơ\m jăn ăn kơ inh păng pơtho ăn kơ inh băt trong pơkăp oei tơklăh tơ\ hnam thoi yơ vă xơđơ\ng ăn kơdih po păng rim bơngai tăp dăr po, đe [ak sih axong ăn pơgang vă hơmet j^, lơ\m tơdrong hơmet j^ noh inh hlôi klaih păng âm t^nh, hmach bơnê kơ khul [ak sih Hòa Anh hlôi tơgu\m hơmet F0 tơ\ hnam”

        Adoi nhen pơmai Cao Thị Thanh Phương păng lơ bơngai [ơm j^ Covid-19 nai tơ\ Đăk Lăk, đơ\ng ro\ng 5 năr hơmet j^ tơ\ hnam hăm tơdrong tơgu\m đơ\ng khul [ak sih tơgu\m hơmet F0 tơ\ hnam, yă Trần Thị Kim Loan tơ\ phương Tân An, plei tơm Buôn Ma Thuột hlôi klaih păng xet ng^m noh đei pơkăp âm t^nh hăm SARS-CoV-2.  Xo# hơ\k kơlih jơhngơ\m jăn hlôi grăng, yă Loan hmach bơnê kơ khul tơgu\m, dăp đon dăp bơnôh pơtho ăn kơ yă hơmet j^ lơ\m khei năr âu ki: “Kiơ\ đơ\ng khul chă tơroi tơgu\m tơ\ Đăk Lăk ăh khul đe [ak sih Hòa Anh noh inh đie#n thoăi tơroi hloi păng đei đe [ak sih, điu yưng, y tă tơgu\m tơtom păng axong pơgang, hơlen jơhngơ\m jăn rim năr. Đơ\ng ro\ng 5 năr noh âm t^nh bơih păng tơroi ăn phương truh hơlen păng xơkơ\t”

Khul tơgu\m online ưh kơ io\k jên păng tơgu\m bơngai [ơm F0 tơ\ hnam kơyuơ [ak sih Phạm Hòa Anh, dang ei to\k bo\k oei pơm jang tơ\ Hnam pơgang tơm Thiện Hạnh, dêh char Đăk Lak  tơ iung pơjing. Vang jang lơ\m khei đei 50 'nu đei đe [ak sih tơ\ lơ dêh char, plei tơm phara băl atu\m vang jang lơ\m khul rơhu\ tơ\ Đăk Lăk. Vă vei xơđơ\ng pơm jang măng năr, tơtom tơgu\m online, khul đei axong jing khul iơ ie\ hloh, tro\ hăm rim tơdrong pơtho tơgu\m F0. Kiơ\ kơ noh, khul [ak sih gô pơgơ\r tơroi pơtho hơmet j^; khul điu yưng chă pơtho găh trong oei xa rơgoh pơlôch xơmach thoi yơ, chă dui jơhngơ\m, hơlen tơdrong j^ to\k ăl thoi yơ, chih tơmơ\t kơtơ\ng ang lơ\m kơmăi tơm dăh mă krao đie#n thoăi kiơ\ kơso# kăl [ơ\t tơdrong j^ jing hlăm; khul yưk sih gô pơtho găh trong yua pơgang; khul xơng io\k axong pơgang păng tơmam drăm y te#...

        Kiơ\ [ak sih Hòa Anh, đơ\ng ro\ng je# 4 khei tơ iung khul jang, khul hlôi tơgu\m online vei lăng hơmet j^ tơ\ hnam ăn pơhlom 1.500 F0 păng ưh đei bơngai yơ hơbuh j^ hlăm: “Vang jang kiơ\ tơdrong pơkăp đei lơ khul bơngai, đei bơngai jang găh y, duh đei lơ bơngai ưh đei jang y, vang jang tơdrong xơng bơngai j^ păng pơtho ăn kơ đe ye\t cho# kai ap, đang kơ noh chă tơroi hơlêm xơđơ\ng đon bơnôh. Mă [ar noh tơdrong jang đei lơ bơngai jang 'mêm bơnat tơgu\m noh gô đei jên ako\m jang păng jên noh 'măn răt lơ pơgang hloh vă tơgu\m ăn bơngai j^ da [iơ\ chă kơdâu răt păng khul duh đei jên hơmo\ ăn mưh đei tơdrong âu to hăm dôm bơngai jang rơhu\ nhen đak xăng tuh gre vih vơ\t”  

        Yak ăh xơnăm 2022, pơrang j^ Covid -19 hơbuh hli tơ\ Đăk Lăk, kơso# bơngai [ơm j^ roi năr roi lơ, đei 'năr noh hloh 4.500 'nu [ơm j^. Dang ei dêh char Đăk Lăk đei hloh 87 rơbâu 'nu bơngai [ơm Covid -19, lơ\m noh, lơ\m plei tơm Buôn Ma Thuột đei hloh 30 rơbâu 'nu [ơm j^. Lơ\m kơso# hloh 30 rơbâu F0 âu đei pơhlom hloh 15 rơbâu 'nu to\k bo\k oei hơmet j^, 98% lơ\m kơso# noh to\k bo\k oei hơmet j^ tơ\ hnam. Kiơ\ kơ [ok Nay Phi La, Kơdră Anih jang y te# dêh char Đăk Lăk, kơso# bơngai [ơm F0 to\k bo\k oei hơmet j^ tơ\ hnam tơ\ Buôn Ma Thuột hlôi pơm ăn lơ anih jang y te# tơ\ tơring hrat hr^n hloh. Tơdrong vang jang tơgu\m đơ\ng khul [ak sih Phạm Hòa Anh jing tơdrong kăp g^t, tơgop tơjur [iơ\ tơdrong hrat ăn anih jang y te# tơ\ tơring: “Anih khăm hơmet j^ kơ [ak sih Hòa Anh hlôi vang jang lơ\m Khul Covid pơlei pơla păng duh đei tôm tơmam drăm đơ\ng kơ[^nh ô xi đang kơ noh kơmăi SPO2 păng kơdu\ng pơgang A, B vă hơmet j^. 'Nâu jing minh lơ\m dôm tơdrong kơ 'nôh đơ\ng tơpôl kon pơlei lơ\m tơdrong tang găn păng tơjră pơrang j^. Thoi noh anih jang y te# ưh đei adro# ôh. Lơ\m khei năr truh nhôn duh 'meh vă păng hơvơn dôm anih khăm hơmet j^ atu\m vang jang hăm anih jang y te# lơ\m hơmet j^ ăn F0 tơ\ hnam” 

        Lơ\m khei năr pơrang j^ Covid 19 to\k bo\k oei hơmet hli hlơt, jăh vă akhan tơdrong vang jang đơ\ng khul thâi pơgang kơ khul tơgu\m online ưh kơ huach jên tơgu\m ăn bơngai [ơm F0 hơmet j^ tơ\ hnam jing tơgăl kơ pôk bơnê, tơgu\m ăn F0 đei anih gơnơm tôch tơnăp, kơjăp vă tơjră hăm pơrang j^, kiơ\ đơ\ng noh tơgop tih tên lơ\m tơdrong tang găn păng tơjră pơrang j^, adoi nhen pơlan xă dôm kơjă kăp g^t đon bơnôh 'lơ\ng đơ\ng kon bơngai truh hăm kon pơlei.

Lan chih păng pơre nơ\r