Tơroi tơbăt tơ̆ ‘măng hop akŏm, tang măt Anih vei lăng jang pơgang dêh char Dak Lak tơbăt, jô̆ đơ̆ng blŭng sơnăm truh dang ei, lơ̆m dêh char đei 85 ‘nu jĭ COVID - 19, akŏm lơ tơ̆ pơlei tơm Buôn Ma Thuột hăm 33 ‘nu.

Vă tang găn truh kơ sô̆ tŏ sĕt hloh hơmơt kơ đei tơploh lanh jĭ hơbuh lơ̆m năr pơ dơh lêh, Anih vei lăng kon pơlei dêh char Dak Lak athei anih jang pơgang dăr hơlen dơ̆ng pơ đĭ anih jang, tơmam jang pơgang tơ̆ dôm hnam pơgang; tŭn pran tơdrong jang ƀet bơ̆ng vắc xin COVID-19, lơ̆m noh tơgŭm hơdrol ăn bơngai kră, bơngai đei tơdrong jĭ đơ̆ng hơdrol păng hơioh; jang hơdai hăm anih jang, tơring pơgơ̆r dơ̆ng tơdrong jang tang găn jĭ COVID-19; pơm kiơ̆ tơpăt trong jang 2K (che gom păng pơlôch pơrang), mă loi ‘noh jĭ hăm dôm hơnih tơpôl, hơnih ‘măng mơ̆t lĕch, cham gre păr, anih gre dơ̆ng.