Dak Lak: Pơhnŏng tơjur đơ̆ng 5-10% kơsô̆ bơngai jĭ păng lôch yoa dôm tơdrong jĭ tơpŏh lơ̆m sơnăm 2023
Thứ tư, 10:53, 29/03/2023
VOV/Dơ̆ng tơblơ̆
VOV/Dơ̆ng tơblơ̆
VOV4.Bahnar - Pơgê 28-3, Anih vei lăng tơdrong jang pơgang Dak Lak pơgơ̆r Hop akŏm tơlĕch tơdrong jang tang găn jĭ jăn lơ̆m sơnăm 2023.
Lơ̆m 3 khei blŭng sơnăm 2023, tơdrong jĭ ƀôh roi krê mưh đei dơ̆ng 29 ‘nu bơngai jĭ COVID-19, jĭ pơlŏ lĕch đe nhen roi tŏk tơ̆ 1,2 tơring. Tơ̆ Hop akŏm, dôm bơngai tang măt akhan, hrei ‘nâu, dôm tơdrong krê hơmơt đơ̆ng tơdrong jĭ jăn tơ̆ lơ tĕh đak lơ̆m apŭng plenh tĕh gô ƀơm truh tơdrong jang tang găn tơdrong jĭ tơ̆ Việt Nam pơma atŭm păng Dak Lak pơma adrô̆.
Vă kơchăng tang găn tơdrong jĭ jăn lơ̆m sơnăm 2023, Dak Lak tơlĕch đon pơhnŏng tơjur đơ̆ng 5-10% kơsô̆ bơngai jĭ păng lôch yoa dôm tơdrong jĭ tơpŏh pơtêng hăm kơsô̆ jô̆ atŭm đơ̆ng 2016-2022. Tang găn tơtom, ưh gơ̆h lê̆ jĭ tơpŏh xă.
Viết bình luận