VOV4.Bahnar - Hnam pơ gang Đại học Buôn Ma Thuột jang hơ dai hăm Kŏng ti Gene Solutions pơ gơ̆r jơ hop akŏm tơ roi tơ băt hăm khŭl chih kơ tơ̆ng ang tơ roi kơ ki thuơ̆t roi tơ blang gen tơ gŭm chă ƀôh jĭ ung thư. ‘Nâu jĭ 1 păh đơ̆ng tơ drong jang tơ pôl “ Yua kơ 1 Việt Nam ưh pă tơ tăm kơ jĭ ung thư” mă Gene Solutions 30 tŏk bŏk bơ̆ jang. 30 ‘nu lơ̆m grŭp bơ ngai hơ mơt kơ hj tơ̆ Dak Lak gô đei hơ len lăng đĕch hăm kơ măy ‘nâu.

Hnam pơ gang Đại học Buôn Ma Thuột hlôi yak hơ dai hăm Kŏng ti Gene Solutions lơ̆m tơ drong jang ‘măn ăn tơ pôl “ Yua kơ 1 Việt Nam ưh pă tơ tăm kơ jĭ  ung thư”. Tơ drong jang yua kơ măy SPOT – MAS vă pơm hơ len lăng roi tơ blang gen. ‘Nâu jĭ kơ măy kơ mŏk chă ƀôh 5 kơ loăi ung thư đa đei jĭ lơ hloh hrei ‘nâu ‘noh tơ soh, toh, klơm, klak păng hlŭng tơ̆ khei ‘năr hrôih lơ̆m 1 ‘măng iŏk hơ len lăng pham păng ăn băt kơ năl hrôih hloh.

Thuem: Tơ blơ̆