Khei iung jang đei pơgơ̆r đơ̆ng năr 15/4 truh năr 15/5/2023 hăm hơnăn “Sơđơ̆ng dơ̆ng kơjăp, rơgoh ‘lơ̆ng tơmam drăm sa lơ̆m chăl hle”.

Kiơ̆ kơ ‘noh, lơ̆m dêh char gô atŏk kơtang chă pơrô̆ pơrôp, pơtho tơbăt atŏk jơhngơ̆m đon hlôh vao, xơkơ̆t hơdăh hơnăp jang păng iung jang đơ̆ng rim hơnih đảng, kang ƀô̆, đang viên păng kon pơlei lơ̆m pơm sơđơ̆ng dơ̆ng kơjăp, rơgoh ‘lơ̆ng tơmam drăm sa lơ̆m jang kiơ̆ khôi luơ̆t găh rơgoh ‘lơ̆ng tơmam drăm sa; atŏk kơtang dăr lăng, lăng hơlen bơ̆ jang vei lăng sơđơ̆ng, rơgoh tơmam drăm sa, iung jang kơtang, tang găn, xek tơlang kơhret rim khul, rim bơngai, hơnih pơm tơlĕch tĕch mơdro pơm glăi tơdrong tơchơ̆t găh rơgoh ‘lơ̆ng tơmam drăm sa; atŏk kơtang bơ̆ jang tang găn hơlau pơnhul tơmam drăm sa păng rim tơdrong jĭ tơpoh ‘moi kiơ̆ tơmam drăm sa; pơm tơjur pơnhul tơmam drăm sa ưh kơ rơgoh ‘lơ̆ng. Sơnăm 2022, lơ̆m dêh char Đak Lăk hlôi đei 3 ‘măng pơnhul tơmam drăm sa hăm 18 ‘nu bơngai jĭ, 10 ‘nu măh năm ming hơmet tơ̆ hnam pơgang, ưh kơ đei bơngai lôch.