Đơ̆ng blŭng sơnăm trŭh dang ei, dêh char Đắk Nông đei ƀô̆h 2.000 ‘nu bơngai jĭ pơlŏ lĕch đe, tŏk hlŏh 8,7 ‘măng pơtêng hăm sơnăm sơ̆.

Ƀak si kơ Hnam pơgang apŭng Đắk Song tŏk bŏk khăm hơlen jơhngơ̆m jăn ăn kon pơlei jĭ pơlŏ lĕch đe

Đắk Nông tŏk bŏk atŏk kơtang bơ̆ jang tang găn jĭ pơlŏ lĕch đe.Jĭ pơlŏ lĕch đe đei ƀô̆h tơ̆ đĭ đăng 71 tơring, phương, thĭ trân kơ Đắk Nông. Lơ̆m au apŭng Đắk Mil, Cư Jút, Đắk Song păng pơlei tơm Gia Nghĩa ‘nŏh dôm tơring đei măt bơngai jĭ lơ hlŏh.

Ƀok Huỳnh Thanh Huynh, Kơ iĕng Kơdră chĕp pơgơ̆r Dơnŏ anĭh vei lăng jang pơgang dêh char Đắk Nông, jĭ pơlŏ lĕch đe lơ̆m dêh char tŏk bŏk pơrăm kơtang, đei giĕng ƀô̆h trŭh 170 ‘nu bơngai jĭ hloi. Vă tang găn jĭ pơlŏ lĕch đe pơrăm kơtang, hơnĭh jang pơgang tŏk bŏk atŏk kơtang jang pơtho tơbăt ăn kon pơlei; krao hơvơn rim khŭl bơ̆ jang, kơdră tơring chă pơrô̆ hơvơn kon pơlei vang iung jang hơmet pơ ‘lơ̆ng cham char, pơlôch klanh, siso.