Pơgê năr 2/11, Dơnŏ anĭh tơm vei lăng jang pơgang pơgơ̆r Hop akoưm khoa hŏk păng kmăi kmŏk khŭl mơlô̆h hơnĭh jang pơgang ‘măng mă 21. Hop akŏm au đei vang năm đơ̆ng 42 hơnĭh bơ̆ jang ‘nŏh rim hŏk viên, hnam trương đăi hŏk, kao đăng Y Dược lơ̆m tĕh đak; hnam pơgang dêh char, hnam pơgang kơpal, hnam pơgang ŭnh hnam pơm tơm kơdĭh đơ̆ng hạng 2 năm tơ̆ kơpal păng rim Hơnĭh chă tơchĕng hơlen ....

Dơnŏ anĭh tơm vei lăng jang pơgang tơbăt găh hop akŏm khoa hŏk păng kmaiw kmŏk khŭl mơlô̆h hơnĭh jang pơgang.

Lơ̆m 272 hla bơar tơbăt jang khoa hŏk đei đŏk tơbăt, đei 132 hla bơar chĭh tơdrong bơ̆ jang hăm nơ̆r Anh. ‘Nau jing jơ ‘năr pôk pơ ư rim ƀok thây kô, rim bơngai khoa hŏk păng kang ƀô̆ lơ̆m hơnĭh jang au păng tơdrong jang anai hlôi đei tơgop tĭh tên ăn tơdrong jang pơtho pơjing khŭl bơ̆ jang pơgang.  ‘Ngoăih rim hla bơar tơbăt bơ̆ jang khoa hŏk, khŭl mơlô̆h hơnĭh jang pơgang oei pơgơ̆r pơma dơnŭh “Hơnăp jang khŭl mơlô̆h lơ̆m bơ̆ jang kiơ̆ kmăi kmŏk kơsô̆ găh tơdrong jang pơgang” păng lĕch mŭh măt “Khŭl khoa hŏk sơnăm mơlô̆h hơnĭh jang pơgang Việt Nam lơ̆m plei tĕh”. Khŭl au gô tơgŭm atŏk kơtang tơgoăt tơgoăl, akŏm khŭl mơlô̆h hŏk jrŭ chă tơchĕng khoa hŏk găh jang pơgang tơgŭm ăn rim tơdrong jang tơpôl lơ̆m tĕh đak păng apŭng plĕnh tĕh.