VOV4.Bahnar - Dang ei dôm hnam pơ gang dêh char hơ met jĭ pơ lŏ lĕch đe tơ̆ Gia Lai tŏk bŏk hrăt hrot yua đơ̆ng bơ ngai jĭ pơ lŏ lĕch đe hơ nơ̆ng đei chơ đơ̆ng dôm hnam pơ gang apŭng. Lơ̆m kơ sô̆ 3608 ‘nu jĭ pơ lŏ lĕch đe dêh char Gia Lai chih iŏk đơ̆ng blŭng sơ năm truh ‘năr 21/8 ‘noh đei truh 70% ‘nu bơ ngai jĭ athei ƀĭch tơ̆ hnam pơ gang hơ met, lơ̆m noh hloh 1 puăt kơ sô̆ bơ ngai ƀĭch tơ̆ hnam pơ gang athei chơ đơ̆ng dôm hnam pơ gang apŭng.

Kơ sô̆ hơ ioh hơ met jĭ pơ lŏ lĕch đe tơ̆ Hnam pơ gang hơ met jĭ hơ ioh Gia Lai tŏk bŏk tôch kơ lơ pơ têng hăm dôm bơ ngai jĭ nai

Hrei ‘nâu, Hnam pơ gang Đa khoa dêh char Gia Lai, Hnam pơ gang hơ met hơ ioh jĭ Nhi Gia Lai, Hnam pơ gang pơ lei tơm Pleiku hlôi athei ‘măn vă jê̆ 50% giơng bơ ngai jĭ yua vă hơ met bơ ngai jĭ pơ lŏ lĕch đe, găh lơ ‘noh bơ ngai jĭ đơ̆ng dôm hnam pơ gang apŭng chơ ba. Kiơ̆ đe ƀak si, sơ năm ‘nâu Type vi rút lơ hloh kơ dôm sơ năm hơ drol, pơm ăn dôm bơ ngai đei jĭ dêh lơ hloh kơ sơ năm hơ drol. Khŭl jang pơ gang  Gia Lai hơ nơ̆ng pơ truh khŭl y ƀak si păng pơ gang, tơ mam, kơ sô̆ giơng vă hơ met ăn bơ ngai jĭ.

Thuem: Tơ blơ̆