VOV4.Bahnar - Lơ̆m 1 khei au ki, jĭ pơlŏ lĕch đe lơ̆m dêh char Gia Lai roi năr roi đei lơ bơngai tơpŏh jĭ. Kiơ̆ đơ̆ng Hơnĭh bơ̆ jang Tang găn jĭ jăn dêh char Gia Lai, măt bơngai jĭ pơlŏ lĕch đe đơ̆ng blŭng sơnăm trŭh dang ei hôi tŏk trŭh 2.821 ‘nu (lơ̆m au đei 1 ‘nu lôch). Jĭ pơlŏ lĕch đe đei ƀŏh tơ̆ 131 lơ̆m 220 tơring, phương, thi trân kơ rim apŭng, thĭ xăh, pơlei tơm.

Dơnŏ anĭh vei lăng jang pơgang dêh char Gia Lai tơbăt, rŏ năng jĭ pơlŏ lĕch đe oei hơnơ̆ng pơrăm kơtang lơ̆m khei năr kơnh, tơdra hơdrol, tơpŏh kơtang hlŏh lơ̆m khei 8 au păng khei 9 kơnh. Kơ yuơ lơ lŏh, pơrăm hŭt hơnĭh kơtăp păng hơnĭh oei kơ mŭr măih (hơgĕnh) păng klanh au to ‘nŏh tơdrong mă rim ŭnh hnam kăl iung jang hơnơ̆ng lơ̆m bơ̆ jang tang găn hơlau jĭ pơlŏ lĕch đe.

Tơblơ̆ nơ̆r: Amazưt