VOV4.Bahnar - ‘Năr 26/4, dêh char Gia Lai tơ lĕch jang ƀet vaccine COVID-19 ‘măng mă 1 ăn kơ 39.400 ‘nu hơ ioh đơ̆ng 5 truh hơ la kơ 12 sơ năm. Kiơ̆ kơ anih vei lăng tơ drong jĭ jăn Gia Lai, trong jang kăl đơ̆ng ‘măng ƀet bơ̆ng âu ‘noh hrĕnh, vei sơ đơ̆ng đei yua păng sơ đơ̆ng ‘lơ̆ng hloh ăn hơ ioh. Yua thoi noh, rim tơ ring hơ vơn lơ bơ ngai jang kang ƀô̆ jang pơ gang, kơ măy kơ mŏk vă tơ gŭm hơ drol ăn ƀet bơ̆ng; tơ mam, kơ măy kơ mŏk dôm anih jang pơ gang, 1,2 hnam trưng hŏk đei pơ jing pơm hơ nih ƀet. Đơ̆ng rŏng pơ lei tơm Pleiku, đơ̆ng ‘năr 28/4 truh hơ drol ‘năr 8/5, tơ drong ƀet vaccine bơ̆ng jĭ covid-19 ăn hơ ioh đơ̆ng 5 truh hơ la kơ 12 sơ năm, gô đei pơ gơ̆r tơ̆ 4 tơ ring nai ‘noh apŭng Chư Sê, apŭng Đăk Đoa, Thị xã Ayun Pa păng Thị xã An Khê..

Thuem: Tơ blơ̆