VOV4. Bahnar - Kiơ̆ đơ̆ng Hơnĭh tơm bơ̆ jang vei lăng jĭ jăn dêh char Gia Lai, hrei au pơlŏ lĕch đe hlôi tơŏh kơtang tơ̆ pơ đĭ 17 apŭng, thĭ xăh, pơlei tơm hăm 2.414 ‘nu bơngai jĭ, tŏk hlŏh 6 ‘măng pơtêng hăm khei au sơnăm sơ̆. Lăp đơ̆ng khei 6 trŭh dang ei, Gia Lai hlôi đei dang 2.000 ‘nu bơngai jĭ pơlŏ lĕch đe.

Hnam pơgang Nhi Gia Lai ming hơmet ăn bơngai jĭ pơlŏ lĕch đe

Rim apŭng đei măt bơngai pơlŏ lĕch đe lơ hlŏh ‘nŏh apŭng Ia Grai, pơlei tơm Pleiku, apŭng Krông Pa, Ia Pa ... jei kiơ̆ đơ̆ng Dơnĭh jang pơgang dêh char Gia Lai, măt bơngai jĭ pơlŏ lĕch đe hơnơ̆ng tŏk lơ trŭh khei 10 sơnăm au kơ yuơ khei ‘năr au đei ‘mi jrăh, ‘năr ju, jing jơ ‘năr ‘lơ̆ng ăn klanh, siso chek lar char lơ. Kơ yuơ lơ lŏh, ‘ngoăih dôm tơdrong jang hơdrin đơ̆ng Dơnŏ anĭh jang pơgang lơ̆m tang găn pơlŏ lĕch đe ‘noh kon pơlei jei lăng kơ jăp lơ̆m vei lăng rơgŏh cham char, mă kăl ‘nŏh ư̆h kơ lê̆ đei đak lŏk au to tăp dăr hnam, pơlôch hloi bơ̆n klanh, siso.

Tơblơ̆ nơ̆r: Amazưt