VOV4.Bahnar - Nơ̆r tơ roi đơ̆ng Anih vei lăng tơ drong jĭ jăn Hà Nội ăn tơ băt, ‘năr (20/2) lơ̆m plt đei 5102 ‘nu bơ ngai jĭ Sars-Cov-2, lơ̆m nŏh đei 1518 ‘nu bơ ngai tơ pŏh lơ̆m tơ pôl. Dơ nŏ anih vei lăng kon pơ lei plt Hà Nội pơ jao ăn Dơ nŏ anih vei lăng kon pơ lei dôm kuơ̆n, apŭng, thĭ xăh pơ tho ăn dôm xăh, phường, thĭ trơ̆n pơ gơ̆r dăr hơ len păng chih hơ năn dôm unh hnam lơ̆m grŭp krê tơ pŏh jĭ.

‘Nŏh jĭ bơ ngai đei tơ drong jĭ jăn lơ̆m hơ kâu, bơ ngai kră đơ̆ng 65 sơ năm tŏk tơ̆ kơ pal, drŏ kăn hơ năp, bơ ngai tang mă ƀet tôm vắc xin tang găn jĭ Covid-19 hăm bơ ngai đơ̆ng 18 sơ năm tŏk tơ̆ kơ pal. Dôm tơ ring năng kiơ̆ hơ năn dôm bơ ngai găh grŭp krê hơ mơt tơ̆ tơ ring vă đei trong set hơ len, test hrĕnh tơ drong jĭ, pơ tho ăn dôm anih jang đei ƀơm truh răt kit test hrĕnh vă pơ gơ̆r set hơ len jĭ ăn đĭ đăng.

Dơ̆ng: Tơ blơ̆