VOV4.Bahnar - ‘Năr 27/2, kơ sô̆ bơ ngai jĭ COVID-19 tơ̆ dêh char Gia Lai ‘măng mă blŭng lơ hlŏh 1.100 ‘nu 1 năr. Khul kơ dră chĕp kơ̆l tơ ring tơ chơ̆t asong ăn hŏk tro mâm non păng jăl 1 tơ̆ plt Pleiku pơ dơ̆h năm hŏk tơ̆ hnam trưng, hŏk trư̆k tuyê̆n hơ lơ̆k dơ̆ng đơ̆ng ‘năr 28/2. 2 tơ ring đei bơ ngai jĭ lơ hlŏh lơ̆m năr 27/2 ‘nŏh jĭ plt Pleiku (356 ‘nu) păng apŭng Đak Đoa (198 ‘nu).

Dôm anih pơ tho pơ hrăm jang ‘lơ̆ng tơ drong tang găn jĭ

Anih pơ gơ̆r jang tang găn jĭ COVID-19 dêh char Gia Lai akhan, hrei ‘nâu, lơ bơ ngai jĭ COVID-19 tơ pŏh lơ̆m tơ pôl ưh băt tơ pŏh đơ̆ng yơ, đei ƀôh lơ kon pơ lei ưh kơ chăng, tơ drong ‘nâu tôch hơ mơt jĭ tơ pŏh xă. Yoa thoi nŏh, anih pơ gơ̆r jang athei kon pơ lei hơ nơ̆ng hơ tŏk đon kơ chăng mă lei lê̆ hli tăr văr, kơ dih kâu athei jang ‘lơ̆ng dôm trong jang tang găn jĭ Covid-19.

Dơ̆ng: Tơ blơ̆