VOV4.Bahnar - Tơ̆ tơring Tây Nguyên, jĭ hơbuh Covid-19 tŏk bok tơpŏh kơtang tơ̆ dêh char Dak lăk păng Lâm Đồng. Kiơ̆ đơ̆ng Hơnĭh tơm dăr lăng hơlen jĭ jăn dêh char Dak Lăk, trŭh 4 jơ kơsơ̆ năr 21/2, lơ̆m dêh char đei 988 ‘nu bơngai ‘nao tơpŏh jĭ Covid-19 păng 3 ‘nu bơngai lôch.

Mĭnh khŭl jang tơgŭm ming hơmet jĭ F0 kơtă tơ̆ hnam tơ̆ Dak Lăk

Jô̆ lơ̆m 1 giĕng tơjê̆ hlŏh, Dak lăk jei đei măt bơngai tơpŏh jĭ lơ hlŏh đơ̆ng sơ̆ trŭh dang ei, hăm 4.145 ‘nu. Đĭ đăng hơ iŏh mâm non păng hŏk tro lăm 1 trŭh lăm 6 măh pơdơ̆h năm hok tơ̆ hnam trương, vĭh hơlơ̆kj hŏk trư̆k tuyên păng rim trong pơtho hŏk anai. Tơ̆ Lâm Đồng, jĭ hơbŭh Covid-19 jei tơpŏh kơtang, hăm 2.364 ‘nu bơngai jĭ lơ̆m giĕng au ki, lơ̆m năr 21/2 đei dơ̆ng 3 ‘nu bơngai lôch. Dơnŏ anĭh vei lăng jang pơgang dêh char Lâm Đồng hlôi chĭh pơtrŭh hla bơar athei rim hnam pơgang rim apŭng, pơlei tơm lơ̆m dêh char jang tơgŭm tơbăt ăn Dơnŏ anĭh vei lăng kon pơlei tơlĕch jang hloi rim hnam pơgang năm ming hơmet, pơjing rim khŭl vei lăng năng tông bơngai jĭ Covid-19 tơ̆ kon pơlei vă iung jang hơdoi hăm dơnŏ anĭh jang pơgang vei lăng năng tông ‘lơ̆ng ăn bơngai jĭ.

Tơblơ̆ nơ̆r: Amazưt