167 tŏ gre drŏl, 19 tŏ gre gơ gŭ păng 3 tŏ không pơ tâp nơ năm, akŏm đĭ đăng đei kơ jă hlŏh 323 triu hlak jên đei pơ jao ăn 189 ‘nu bơ ngai jo jăn tơ̆ dêh char Dak Lak. ‘Nâu jĭ tơ drong jang tôpch ‘lơ̆ng, chă tơ gŭm ăn bơ ngai jo jăn đei gre yak vih vât, hiôk hian ƀiơ̆ lơ̆m tơ drong arih xa rim năr.

Dêh char Dak Lak dang ei đei dang 78.000 ‘nu bơ ngai jo jăn, lơ̆m nŏh đei 22.236 ‘nu bơ ngai oei xa yoa tơ drong tơ gŭm đơ̆ng tơ pôl. 5 sơ năm âu ki, Jơ nŭm ‘long pơ glang ƀrê dêh char krao hơ vơn, jang hơ doi hơ păh đei 589 tŏ gre drŏl, gre gơ gŭ ăn bơ ngai jo jăn. Tơ drong jang ‘nâu gô đei rim khul grŭp hơ nơ̆ng tơ lĕch jang tơ̆ hơ năp kơnh, vă tơ gŭm ăn lơ bơ ngai jo jăn đei dơ̆ng đon adrin yak hlŏh mơ mat tat lơ̆m tơ drong arih xa.