VOV4.Bahnar - Năr 21/2, Dơnŏ anĭh bơ̆ jang ăn Khul kơdră chĕp pơgơ̆r Tĕh đak tơroi tơbăt nơ̆r pơma pơtôch đơ̆ng Kơ iĕng Thủ tướng Tĕh đak Vũ Đức Đam tơ̆ hop akŏm trư̆k tuyên lơ̆m teh đak găh plôih ‘măng hnam trương hŏk kơ rim tơring. Kiơ̆ kơ ‘nŏh, Kơ iĕng Thủ tướng Vũ Đức Đam athei Dơnŏ anĭh tơm vei lăng jang pơgang tĕnh koăng pơjing trong jang ƀet vaccine ăn hơ iŏh đơ̆ng 5 sơnăm trŭh tim mă trŭh 12 sơnăm; pơm tơlĕch nơ̆r pơtho tơbăt khăm hơlen, ăn oei hơdrô̆ hăm đe hơ ioh, hok tro đei tơdrong jĭ au to; dăr lăng hơlen khei ‘năr ăn oei hơdrô̆ tơ̆ hnam hăm đe hơ iŏh, hŏk tro F1 mă ƀlep ‘lơ̆ng. Dơnŏ anĭh tơm vei lăng Hnam trương pơtho pơhrăm hơnơ̆ng pơgơ̆r, hơmet ming, pơm pơkeh rim trong pơtho pơhrăm trư̆k tuyên, pơtho lơ̆m tivi nhen mĭnh trong pơtho git kăl hlŏh lơ̆m jang kiơ̆ tơplĭh ‘nao pơtho pơhrăm.
Tơblơ̆ nơ̆r: Amazưt
Viết bình luận