VOV4.Bahnar - Jĭ dêh char đei hơ mơt kơ jĭ chŭ hle mơ̆t tơ poh, jang kiơ̆ athei păng pơ tho đơ̆ng Anih tơm vei lăng găh jang pơ gang, anih jang pơ gang dêh char Kon Tum hlôi kơ chăng tơ lĕch jang dôm trong jang tang găn jĭ. Jang kiơ̆ pơ tho đơ̆ng Anih tơm vei lăng găh jang pơ gang, anih jang pơ gang dêh char Kon Tum hlôi hơ tŏk loi dơ̆ng tơ drong jang dăr lăng vă chă ƀôh hrôih dôm bơ ngai jĭ chŭ hle tơ̆ bơ ngai. Kŭm hăm ‘noh pơ jing dôm trong jang găh hơ met pơ ‘lơ̆ng, iŏk pham hơ len lăng păng ăn oei hơ drô̆ mưh đei bơ ngai ƀơm jĭ.  Hăm dôm bơ ngai jâu đei ƀơm jĭ chŭ hle, anih jang pơ gang gô tơ tĕnh hơ met pơ ‘lơ̆ng hơ nih đei jĭ păng gơ̆ih ăn Anih jang Vệ sinh Dịch tễ Tây Nguyên hơ len lăng vă đei băt kơ năl hrôih hloh. Ƀak si chuyên khoa II Đỗ Ngọc Hòa, Phŏ Kơ dră Anih vei lăng jang pơ gang dêh char Kon Tum tơ băt, jĭ dêh char đei hơ mơt kơ đei ƀơm jĭ chŭ hle mơ̆t tơ poh, anih jang pơ gang dêh char Kon Tum băt hơ dăh athei kơ chăng tơ jră păng bơ̆ jang kiơ̆ ‘lơ̆ng hloi đơ̆ng tơ drong tang găn jĭ.

Thuem: Tơ blơ̆