VOV4.Bahnar - Anih vei lăng kon pơ lei dêh char Kon Tum hlôi drơ̆ng nơ̆r hăm athei đơ̆ng Anih vei lăng găh jang pơ gang păng jên hu pơ dơh ‘mơ̆i tơ drong tơ gŭm jên ăn Grŭp bơ̆ jang tơ pôl tang găn jĭ COVID-19.  Kiơ̆ kơ ‘noh pơ tơm blŭng đơ̆ng ‘năr 15/2/2022 rim Grŭp bơ̆ jang tơ pôl tang găn jĭ COVID-19 kơ dêh char Kon Tum gô ưh pă đei tơ gŭm jên bơ̆ih.

Pơ tŏ yuh hơ kâu bơ ngai mơ̆t lĕch lơ̆m tơ pôl tang găn jĭ COVID-19

Hơ dai hăm ‘noh rim Grŭp bơ̆ jang tơ pôl âu kŭm đei bơ̆ jang tơ̆ sĕt đĕch. Hơ drol ‘noh đơ̆ng ‘năr 15/7/2021, dêh char Kon Tum jang kiơ̆ tơ drong tơ gŭm jên bơ̆ jang ăn Grŭp bơ̆ jang tơ pôl tang găn jĭ COVID-19 hăm kơ sô̆ jên 80.000 hlak jên 1 ‘nu 1 năr. Kơ sô̆ bơ ngai đei tơ gŭm kơ rim grŭp ưh kơ hloh 1 ‘nu 1 năr.

Thuem: Tơ blơ̆