VOV4.Bahnar - Dêh char Lâm Đồng tŏk bŏk tŭn hrĕnh tơ drong ƀet bơ̆ng vắc xin Covid-19 jô̆ hloi lơ̆m năr hơ tuch giĕng păng năr pơ dơh lêh âu ki. Dang ei Lâm Đồng đei dang hloh 130.000 kơ liêu vắc xin tam mă ƀet. Veh ver kơ sô̆ vắc xin âu đĭ khei ‘năr pơ kăp gơh yua, dêh char Lâm Đồng athei anih jang pơ gang kơ dêh char athei rim anih jang ƀơm truh tơ tĕnh pơ gơ̆r ƀet bơ̆ng vắc xin Covid-19 ăn kon pơ lei jô̆ hloi lơ̆m dôm năr hơ tuch giĕng păng năr pơ dơh lêh. Lơ̆m noh, akŏm ƀet tôm jrŭm hmă ăn hơ ioh đơ̆ng 5 truh hơ la kơ 12 sơ năm păng ƀet jrŭm 4 ăn kon pơ lei đơ̆ng 18 sơ năm tơ̆ kơ pal...

Lâm Đồng tŏk bŏk hơ tŏk hrĕnh ƀet bơ̆ng vắc xin Covid-19 ăn hơ ioh

Vei sơ đơ̆ng ‘măng ƀet bơ̆ng vắc xin Covid-19 âu gô ƀet đang hơ drol kơ ‘năr 15/9 truh kơnh. Kiơ̆ kơ ƀok Nguyễn Văn Bôn, Phŏ Kơ dră vei lăng hnam pơ gang apŭng Đơn Dương (Lâm Đồng), 1,2 ‘nu kon pơ lei oei ‘nhoen kơ ăn hơ ioh ƀet bơ̆ng vắc xin Covid-19, yua thoi noh anih jang tŏk bŏk jang hơ dai hăm khŭl kơ dră tơ ring pơ gơ̆r dôm khŭl tơ roi tơ băt truh rim tơ ring kon pơ lei oei vă krao hơ vơn.

Thuem: Tơ blơ̆