VOV4.Bahnar - Anih vei lăng tơ drong jĭ jăn pơ lei pơm Hồ Chí Minh tơ băt, pơ lei tơm chih iŏk dơ̆ng 1 ‘nu lôch yua đơ̆ng jĭ pơ lŏ lĕch đe. Thoi noh hlôi đei  17 ‘nu lôch yua đơ̆ng jĭ pơ lŏ lĕch đe đơ̆ng blŭng sơ năm truh dang ei, tŏk 14 ‘nu pơ teneg hăm sơ năm 2021.  Lơ̆m giĕng mă blŭng kơ khei 8 ( đơ̆ng ‘năr 1-7/8), pơ lei tơm Hồ Chí Minh đei 3.066 ‘nu jĭ pơ lŏ lĕch đe, hơ tŏ pơ têng hăm kơ sô̆ bơ ngai jĭ giĕng hơ drol, tơ jur 6,4% pơ têng hăm jô̆ păh lăp 4 giĕng hơ drol, lơ̆m kơ sô̆ bơ ngai jĭ ƀĭch tơ̆ hnam pơ gang jur 3,5% păng bơ ngai hơ met brŏk tơ̆ hnam jur 9,4%. Akŏm đơ̆ng blŭng sơ năm truh dang ei, pơ lei tơm Hồ Chí Minh đei 39.449 ‘nu jĭ yua đơ̆ng pơ lŏ lĕch đe, tŏk hloh 378% hăm khei ‘nâu kơ sơ năm 2021, hăm kơ sô̆ bơ ngai jĭ pơ lŏ lĕch đe dêh ‘noh 679 ‘nu. Pơ lei tơm kŭm đei dơ̆ng 181 hơ nih jĭ pơ lŏ lĕch đe đei ƀôh tơ̆ 96 phường, xăh găh 20/22 quận apŭng, pơ lei tơm Thủ Đức, tơ jur 18 hơ nih jĭ ‘nao pơ têng hăm 2 giĕng hơ drol.

Thuem: Tơ blơ̆