VOV4.Bahnar - Dêh char Lâm Đồng oei tơ jră hăm tơ drong krê kơ jĭ pơ lŏ lĕch đe tơ pŏh tôch dêh, mưh kơ sô̆ bơ ngai jĭ đĭ tŏk hlŏh 2.000 ‘nu bơih. Truh dang ei, dêh char Lâm Đồng đei hlŏh 2.000 ‘nu bơ ngai jĭ pơ lŏ lĕch đe, tŏk hlŏh 1.500 ‘nu pơ têng hăm khei âu sơ năm sơ̆. Kơ plăh ‘nŏh, tơ ring pơ tơm mât lơ̆m pơ yan ‘mi kơ na tơ drong krê kơ jĭ pơ lŏ lĕch đe tơ pŏh roi dêh hlŏh dơ̆ng.

Lâm Đồng oei hơ tŏk dôm trong jang tang găn păng hơ met jĭ pơ lŏ lĕch đe

Ƀok Trịnh Văn Quyết, Phŏ kơ dră Anih vei lăng jang pơ gang dêh char Lâm Đồng ăn tơ băt, Kŭm hăm hơ tŏk tơ drong tơ roi tơ băt ăn kon pơ lei bơ̆ jang ‘lơ̆ng dôm trong tang găn jĭ, anih jang pơ gang tơ ring oei tơ lĕch lơ trong tang găn păng hơmet jĭ hai. Đĭ đăng rim hnam pơ gang lơ̆m dêh char đei trong jang tôch rơ đăh păng ‘măn răk hiă lơ tơ mam, kơ măy kơ mŏk, pơ gang vă tơ tom dŏng hơ met ăn bơ ngai jĭ. Atŭm hăm ‘nŏh tơ lĕch lơ trong jang vă mưh ƀôh anih đei jĭ ‘nao ‘nŏh pơ gơ̆r chĕng găn păng hơ met jĭ tơ tom hloi.

Dơ̆ng: Tơ blơ̆