VOV4.Bahnar - Tơ\ dêh char Lâm Đồng, kon pơlei Mạ erih ako\m tơ\ dôm apu\ng Đạ Huoai, Đạ Teh, Cát Tiên păng plei tơm Bảo Lộc. Duh nhen kon pơlei Cơ Tu, Tà Ôi, Pa Cô, Vân Kiều… tơ\ tơring To\k bo\k păng kon pơlei kon kông nai tơ\ tơring kông Tây Bắc păng Tây Nguyên, kon pơlei Mạ oei răk vei lơ um ai joh ayo\ kăp g^t, lơ\m noh, tanh brai đei lăng jing tơdrong jang kră xơ\ kăp g^t hloh. Lơ\m cham char kơ Festival jang tơdrong kră xơ\ Huế ‘măng mă 8 xơnăm 2019 pơgơ\r đơ\ng năr 26/4 truh năr 2/5 âu ki, minh ‘măng dơ\ng, tơdrong jang tanh brai vai khăn juăt jue kơ kon pơlei Mạ đei tơbang păng pôk pơ ư.  

Lơ\m hnam hơko\m kăp g^t ăh jih đak krong Hương Giang kơ hơgăt teh Cố đô Huế, lơ kon pơlei păng tơmoi đei lăng dôm bơngai nge# nhơ\n  Mạ tơ[ôh tơdrong tanh brai hăm không tanh.

Um ru\p bơngai hơdruh Mạ hăt hot dui brai vai khăn, tanh che hăm jơva không tanh re pơm ăn tơmoi hmach bơnê. Lơ bơngai pơgenh rơih ăn kơ po minh tơmam tanh guăng ro\ hloh. Truh Huế tơmang pơhiơ\ pơdơh pơdei, pơmai Nguyễn Ngọc Hà, tơ\ dêh char Bình Dương duh rơih răt lơ tơmam tanh ăn kơ po păng bôl boăl ‘nho\ng oh: “Inh lăp kơ tơmam tanh yuơ hăp [enh kơ um ai kon kông, um ai joh ayo\. Păng tơmam tanh noh hăp kơjăp, kơmâu ‘lơ\ng. Yuơ noh, [ơ\t ‘măng âu truh tơ\ Huế tơmang [ôh noh inh kho\m mă răt đei”

Tơdrong jang dui brai vai khăn kơ kon pơlei Mạ đei đơ\ng lai yơ ưh đei bu băt hơdăh. Adro# băt, khul hơdruh Mạ [ơ\t to\k 9, 10 xơnăm noh đei yă, đei me\ pơtho ăn tơdrong jang tanh brai. Vă tanh pơjing đei che tanh guăng ‘lơ\ng, bơngai Mạ athei pơm lơ jăl, đơ\ng pơtăm kơpaih, dui brai, nhôm kơmâu, dui brai lơ\m không păng tanh. Tơm kơpaih tơ\ tơring kon pơlei Mạ Lâm Đồng rim xơnăm pe\ yua minh ‘măng. Oei không tanh kơ kon pơlei noh [ônh [o\ hloh pơtêng hăm không tanh kơ kon pơlei kon kông Tây Nguyên, Tây Bắc. Hăm minh không lơ hlak tơ\r păng kram noh bơngai Mạ hlôi pơm đei hlak che tanh hăm trong pơro\ guăng ‘lơ\ng kơ măt. Trong nhôm kơmâu ăn brai kơ kon pơlei Mạ duh lơ trong. Đe athei năm tơ\ bri tơchă hla ‘long, [um plei đei kơmâu ‘lơ\ng vih peh he\ch dăh mă ot jing pu\k vă nhôm djoi brai. Kơmâu đei kon pơlei yua lơ  vă nhôm brai noh găm, kok, jơk, brê, gôh, dreng, lơ\m noh, kơmâu kok jing kơmâu tơm. Lơ\m hla che tanh, đe hơnơ\ng tanh um kăp g^t kơ kon pơlei nhen: tơm ‘long, xem, kon bri brăh, hnam kon kông, ‘long gơ\ng... Dang ei, mă kơmâu brai noh brai ko\ng ng^p jing lang lap mă lei kon pơlei duh oei vei tơdrong jang pơtăm kơpaih, dui brai, nhôm kơmâu păng tanh pơro\ pơkao kiơ\ trong xo juăt jue đơ\ng yă [ok răk ‘măn.

Pơmai Ka Thoa, tơ\ pơlei Đạ Nghịch, xăh Lộc Châu, plei tơm Bảo Lộc, dêh char Lâm Đồng xơnăm âu 35 xơnăm noh đei 26 xơnăm jang kiơ\ tơdrong jang tanh brai. Pơmai Thoa akhan, rim hơdruh Mạ tih vơ\ mă ưh kơ băt tanh brai noh kơdơ\ mơlâu dêh, athei ho\k tanh brai guăng ‘lơ\ng vă đei che x^t hơbe\n ao, khăn buk, kơdu\ng... ăn kơdih po păng ‘nho\ng oh lơ\m unh hnam po păng găh klo hloi. Tơ\ pơlei Đạ Nghịch, xăh Lộc Châu đei 345 unh hnam bơngai Mạ noh tôm đei không tanh ngăl păng kiơ\ rok tơdrong jang tanh brai: “To\k lăm 4 oh đei me\ pơtho tanh brai. Dang ei nhen le\ băt tôm bơih, oei dôm tơdrong tơnap noh ho\k hơlen dơ\ng đơ\ng dôm bơngai ‘lo\ xơnăm, rim kră pơlei. Kơlih tơdrong jang juăt jue kơ po noh ba ưh gơh le# ôh, athei vei tơnăp tơdrong jang yă [ok pơxư\ păng um ai joh ayo\ kơ po. Đơ\ng Festival ‘măng mă âu, rim bơngai gô băt truh tơdrong jang tanh brai kơ nhôn, vă drăkăn lơ\m pơlei nhôn đei tơdrong pơm jang đei yua tơnăp hloh”

               Mă hlôi đei hơmet păng răk vei, mă lei hăm tơdrong hơto\k kơtang kơ tơpôl, tơdrong jang tanh brai kơ kon pơlei Mạ to\k bo\k oei hiơt hiong, khul mơlôh hrei âu pă đei tơklep hăm tơdrong tanh brai. Yuơ noh, Fesstival tơdrong jang juăt jue Huế rim xơnăm jing ‘măng vă dêh char Lâm Đồng tơbang tơdrong jang tanh brai kơ kon pơlei Mạ truh hăm tôm bôl boăl lơ\m teh đak păng đơ\ng teh đak đe truh.  Đơ\ng tơdrong ‘lơ\ng găh kơmâu, ‘lơ\ng găh um ai hlôi pơjing tơdrong kăp g^t lơ\m hơbăn ao tanh kơ kon pơlei Mạ. Noh duh jing tơdrong ‘lơ\ng ro\ adro# kơ brai tanh Mạ pơtêng hăm brai tanh kơ kon pơlei kon kông nai lơ\m ja#p teh đak.

Lan chih păng rapor