VOV4.Bahnar - Kiơ\ rim bơngai jang hơlen găh joh ayo\, khôi juăt kơ rim hơdrung bơngai kon kông Tây Nguyên jing mu\k drăm joh ayo\ kăp g^t hloh, tơgop lơ\m mu\k drăm atu\m kơ joha yo\ rim hơdrung bơngai kon kông Việt Nam păng apu\ng plenh teh. Noh jing mu\k drăm kơ tơdrong hlôh vao joh ayo\ kră xơ\, ako\m io\k đơ\ng tơdrong hlôh vao kră xơ\; jing um pơchră kơ tơpôl kon bơngai. Yuơ noh, hăp jing hla bar tơm, kăp g^t vă hơlen găh hơdrung kon bơngai.

Vă tôm hơdrung bơngai kon kông tơ\ Tây Nguyên adoi đei khôi juăt kơdih, mă lei duh oei đei lơ tơdrong kăl, khôi juăt vă nhen băl. Mă lei, mă tơm noh hăp duh oei jing mu\k drăm adro# kơ rim hơdrung bơngai hăm đon kơche\ng juăt jue kăp g^t păng trong io\k yua dôm khôi juăt lơ\m pơlei pơla duh đei kơdih um ai phara băl. Găh kơso#, khôi juăt kơ rim hơdrung bơngai kon kông noh kơjung kơđeh phara băl.

Khôi juăt kơ rim hơdrung bơngai kon kông Tây Nguyên đei dôm tơdrong atu\m mă rim pơlei pơla adoi đei noh tơdrong hơdăh hơnơ\ng đei pơg^t [ơ\t đei tơdrong kăl chă tơlang tro\ yoch lơ\m pơlei pơla păng tơle\ch phak hru\ hăm dôm bơngai pơm yoch. Dôm bơngai pơm kơdranh tơlang tơdrong kiơ\ khôi juăt noh tơpôl pơlei pơla, dang dôm bơngai mă đei kon pơlei lui yom, hlôh vao hơdăh găh khôi juăt pơlei pơla đei pôk pơgơ\r xek tơlang tơdrong, hơnơ\ng noh kră pơlei. Atu\m hăm tơdrong io\k yua lơ tơdrong pơkăp lơ\m khôi juăt vă tơlang, bơngai dơ\ng tơlang oei gơh pơma xa, tơblang mă tro\ [lep, athei pơklaih dôm tơdrong yoch đei [ôh.

Ăh kră pơlei xơkơ\t ‘măng tơlang, mưh đei kon pơlei drơ\ng lăp păng dôm păh adoi băt hơdăh, noh kơdih pơm kiơ\ tơdrong pơkăp pơkra dih băl kiơ\ khôi juăt noh tơdrong tơlang đei jơnei keh kong. Đơ\ng ro\ng kơ tơdrong đei tơlang pơ ‘lơ\ng, dôm tơdrong tơh^l lơ\m tơpôl duh đei xut le# bơih păng tơpôl pă đei h^l chere hăm bơngai pơm yoch.

Khôi juăt lơ\m pơlei pơla kơ rim hơdrung bơngai kon kông tơ\ Tây Nguyên duh tơre\k truh tơdrong tơre\k đơ\ng kon bơngai hăm yang hơpang. Hăm đon lui kơ yang hơpang, tơdrong erih đon lui kơ kon pơlei kon kông tơ\ âu lai yơ duh tơguăt kơjăp hăm đe Yang nhen minh đon lui kăp g^t. Bơngai pơgơ\r xek tơlang hơnơ\ng kơche\ng kơdih po đei yang hơpang hơlen lăng noh kơdih kơche\ng athei xek tơlang mă hơto\ hơnơ\ng, tro\ bơngai tro\ tơdrong yoch. Rim bơngai lơ\m pơlei pơla (jo# hloi bơngai tơkêng dăh mă bơngai [ơm đe tơkêng) duh lui ngeh hăm nơ\r tơchơ\t đơ\ng kon pơlei pơla hlôi đei yang bơ\ng pang păng drơ\ng nơ\r. Bơngai pơm yoch ăh pơm kiơ\ pơkăp khôi juăt lai yơ duh kơche\ng, kơdih po hlôi pơm yoch hăm yang hơpang noh đe ye\t kơdih ol bral păng ưh gan pơm yoch bơih.

            Hrei âu, tơdrong erih kơ rim hơdrung bơngai kon kông tơ\ Tây Nguyên hlôi đei lơ tơplih păng đei tơre\k hăm tơdrong rơgei kơ tơpôl, đei khôi luơ\t atu\m kơ teh đak vă hơmet ming dôm tơdrong yoch. Hăm pơkăp găh joh ayo\, bơ\n duh kăl vei răk mu\k drăm kăp g^t âu kơ rim hơdrung bơngai kon kông Tây Nguyên hăm lơ trong jang nhen, chih ako\m tôm khôi juăt oei đei răk lơ\m hơdrung bơngai kon kông, hơto\k tơdrong hơlen chih ako\m juăt jue păng io\k yua lơ\m dôm tơdrong ho\k hơlen găh bơngai kon kông, ho\k hơlen găh luơ\t pơkăp, găh joh ayo\ kră xơ\.

Lan chih păng rapor