VOV4.Bahnar - Khôi pơtruh ‘long unh tơ oei unh om kơ bơngai K’Ho đei đơ\ng kră xơ\. Khôi pu\ ‘long unh tơ oei unh om noh vă pơjing tơdrong tơguăt [ar unh hnam po# [ăn, tơgu\m dih băl yak hloh tơnap tap, hrat hr^n lơ\m tơdrong erih.

Kiơ\ tơroi đơ\ng kră pơlei K’ Brỏh tơ\ kueng K’ Ming, th^ tra#n Di Linh, apu\ng Di Linh, dêh char Lâm Đồng, khôi pơtruh ‘long unh tơ oei unh om kơ bơngai K’ Ho Sre đei đơ\ng kră xơ\. ‘Long unh pơkong đei găh hnam drăkăn pu\ ‘nhăk ăn unh hnam dro\nglo noh tơtă ‘long unh g^t păng đei hloi chai brang [âu phu. Khôi pơtruh ‘long unh đei pơtơm đơ\ng ro\ng kơ unh hnam [ar păh pơgơ\r et pơkong đang ăn bre hơdruh tơdăm.

Hăm bơngai K’ Ho Sre xơ\: “kơpô jing tơdrong tơm pơm jang”, jing mu\k drăm tih kăp. Hăm unh hnam dro\nglo ke\ đei, ăh kon tơdăm năm pơm o\ng đe noh ‘nhăk ba minh pôm kơpô vă pơm jang. Yuơ noh, đơ\ng ro\ng io\k kơpô, găh hnam drăkăn hơmet pôk tơmam ăn unh hnam dro\nglo, nhen le\ vă tơ[ôh đon bơnôh hmach bơnê. Tơroi găh tơdrong kăp g^t kơ khôi pơtruh ‘long unh tơ oei unh om kơ bơngai K’ Ho Sre, [ok K’ Brỏh tơ\ kueng K’Ming, th^ tra#n Di Linh, apu\ng Di Linh, dêh char Lâm Đồng ăn tơbăt:  “ ‘Long unh tơ oei unh om jing khôi juăt đơ\ng xơ\, kiơ\ khôi noh găh hnam drăkăn pu\ ‘nhăk ăn unh hnam dro\nglo, vă unh hnam dro\nglo, me\ [ă bơngai tơdăm đei ‘long unh pai pơwih. ‘Long unh tơ oei unh om âu khơ\ng đunh noh g^t tơpă, ngar adoi khơ\ng đunh (mhê, cha, pơnggó…). ‘Long unh ‘nhăk ăn hnam dro\nglo, noh găh drăkăn ưh gơh koh păh ‘long kư\ kă ôh. Đe chă ‘long unh ‘lơ\ng vă unh khơ\ng đunh, vei ngar lơ\m pơyan ‘mi hngach, đei unh vei vêr tơdrong erih unh hnam kiơ\ khôi kơ bơngai xơ\ ki. Truh dang ei, tơ\ minh [ar pơlei pơla kơ bơngai K’Ho duh oei đei minh [ar unh hnam răk vei ‘long unh kăp g^t, ‘long unh tih nhen duh oei đei vei khôi juăt ‘lơ\ng ro\ lơ\m khôi tơ oei unh om kơ kon pơlei  K’Ho”.

Tơdrong pơtruh ‘long unh tơ oei unh om kơ bơngai K’Ho noh yuơ unh hnam dro\nglo ‘nhăk kơpô ăn unh hnam drăkăn, noh unh hnam găh drăkăn athei pơtruh ‘long unh vă pôk bơnê kơlih akhan găh unh hnam dro\nglo hlôi tơgu\m ăn unh hnam drăkăn ke\ đei trong pơm jang hiôk hloh. Tơdrong ‘nhăk kơpô păng pơtruh ‘long unh pôk bơnê kơ [ar păh unh hnam tơ[ôh tơdrong tơguăt tơguăl dih băl. Kiơ\ đơ\ng noh, pơm trong atu\m hơto\k tơ iung.

Vă đei ‘long unh ‘lơ\ng pơtruh ăn unh hnam dro\nglo, unh hnam găh drăkăn athei hơmet tơnăp. Adrol kơ pơkong, găh hnam drăkăn ako\m ‘nho\ng pơmai oh lơ\m unh hnam atu\m năm tơchă ‘long unh tơ\ bri, păh hơmet păng pu\ vih. Hơnơ\ng noh hnam drăkăn io\k ‘long unh lơ\m 50 truh 60 hơkă tih vă pu\ ăn unh hnam dro\nglo, ‘long unh pu\ ăn hnam dro\nglo noh ‘long unh ‘lơ\ng, khơ\ng đunh, ngar ưh kơ păt noh pơtơm tơbang đei đon bơnôh po hăm unh hnam dro\nglo. ‘Năr mă unh hnam drăkăn pu\ ‘long unh truh hnam dro\nglo, găh hnam dro\nglo athei pai por tơ[ăng jong xo\ng xa ăn ‘nho\ng pơmai oh kơtum kơto\ng unh hnam drăkăn. {ar păh unh hnam po# [ăn, hơdruh tơdăm atu\m băl tơjra#m, et xa pơma dơnuh vă [ar păh unh hnam băt vao dih băl hloh. Lơ\m ‘măng et xa pơjao ‘long unh âu, đe xư pơma dơnuh găh tơdrong jang xa, ho\k [oi dih băl găh dôm tơdrong hlôh vao, tơguăt [ar păh unh hnam po# [ăn.

‘Long unh tơ oei unh om đơ\ng ro\ng kơ đei hnam drăkăn ‘nhăk pơtruh, adoi đei ‘măn ‘lơ\ng bot ăh rôm hnam kơjung kơ unh hnam dro\nglo. Kră pơlei K’ Brẹp, tơ\ thôn Kròt, xăh Bảo Thuận, Di Linh, Lâm Đồng ăn tơbăt: Xơ\ ki, truh tơ\ pơlei pơla K’Ho khei năr xơ\, mưh lăng ăh rôm hnam [ôh đei [enh ‘long unh ‘măn bot ‘lơ\ng noh dang unh hnam noh ‘nao đei kon dro\nglo năm pơm o\ng đe, jing minh tơdrong pơ ư pơ ang, tơdrong chơt hơ iă kơ unh hnam, kơtum kơto\ng: “Tơdrong ‘lơ\ng kơ khôi juăt pơtruh ‘long unh tơ oei unh om kơ bơngai K’Ho noh vă pơjing tơdrong tơguăt dih băl găh [ar păh unh hnam po# [ăn, đei tơdrong jang kơdih, ưh đei chă pơđep âu to ôh, unh hnam dronglo noh ‘nhăk kơpô ăn unh hnam drăkăn noh unh hnam găh drăkăn athei đei ‘long unh pu\ ăn unh hnam găh dro\nglo vă pơm trong vih vơ\t kơ [ar unh hnam po# [ăn hlôh vao dih băl hloh. Kiơ\ khôi pu\ ‘long unh tơ oei unh on noh pơjing đei tơdrong tơguăt [ar unh hnam, ưh đei tơklăh chere ôh, mă yơ adoi kon kơdih, pơjing tơdrong tơroh dih băl lơ\m unh hnam, kueng [ôt, pơlei pơla atu\m yak hloh tơnap tap lơ\m pơm jang, ‘meh vă đei tơdrong erih ph^ tơto\ dơno\ ‘lơ\ng ăn kon xâu ning nai kơnh”.

Duh kiơ\ khôi juăt kơ bơngai K’Ho Sre, bơngai dro\nglo pơm o\ng kiơ\ khôi găh me\, mă lei [ok mai ‘nao tơ oei unh om athei vih oei găh hnam dro\nglo lơ\m 7 năr. Mă lei, khôi juăt duh xơkơ\t mưh [ok mai ưh đei oei găh hnam [ok klo lơ\m 7 năr noh athei chă păh 7 hơkă ‘long unh vă pu\ ăn unh hnam dro\nglo.

Yuơ đơ\ng dôm tơdrong pơkăp đei lơ\m khôi juăt păng jing um ai joh ayo\ juăt jue, noh hăm rim hơdruh K’Ho Sre, mă kăl noh hơdruh ‘nao vơ\, ‘nguaih kơ tơdrong rơgei găh pơwih pai xa lơ\m hnam noh athei pơ ‘nam chă ho\k [oi đe yă, đe me\, đe pơmai athei băt koh păh ‘long unh, rơih ‘long unh ‘lơ\ng. ‘Nâu nhen minh tơdrong mă đe hơdruh K’Ho athei găn ga lơ\m tơdrong erih vă ‘meh io\k đei bơngai klo nhen hơpơi, đei unh hnam jơnap.

Hrei âu, yuơ tơdrong erih kon pơlei K’ Ho Sre đei lơ tơplih vă tro\ [lep hăm tơdrong erih ‘nao, khôi pơtruh ‘long unh tơ oei unh om pă đei kon pơlei pơtoi bơih. Lơ\m et pơkong kơ bơngai K’Ho Sre dang ei, đe pơtăl khôi mă âu hăm dôm tơdrong pơkăp hăm tơmam drăm kăp g^t nai vă kơ [ônh păng tro\ hăm tơdrong erih ‘nao. Mă lei, âu jing minh khôi juăt jue găh pơx^t pơkong kơ bơngai K’Ho Sre hăm tơdrong ‘meh vă tơgu\m kon xâu đơ\ng ro\ng kơ tơ oei unh om đei mu\k jang xa, pơjing tơdrong tơguăt, tơroh [ar unh hnam po# [ăn hơto\k tơ iung lơ\m tơdrong erih.

Lan chih păng rapor