VOV4.Bahnar - Kơ sơ̆ ‘năr 29/8, khŭl y ƀak si kơ dêh char Gia Lai hlôi vang năm jang tang găn jĭ Covid – 19 tơ̆ pơ lei tơm Hồ Chí Minh. Khŭl bơ̆ jang đei 4 ‘nu ƀak si păng 17 ‘nu điều dưỡng kơ dêh char Gia lai găh rim anih jang: Hnam pơ gang Đa khoa dêh char; Hnam pơ gang hơ met jĭ hơ ioh; Hnam pơ gang Y dược cổ truyền păng Phục hồi chức năng dêh char păng Hnam pơ gang rim apŭng, thị xăh, pơ lei tơm.

Khŭl jang pơ gang Gia Lai năm tơ gŭm pơ lei tơm Hồ Chí Minh tơ jră jĭ

Khŭl gô năm tơ̆ Hnam pơ gang pơm pơ gia hơ met jĭ Covid-19 quận Tân Phú (pơ lei tơm Hồ Chí Minh) bơ̆ jang tơ drong jang kâp kư̆u păng hơ met ăn bơ ngai jĭ Covid-19 lơ̆m quận. Mĭnh ‘nu bơ ngai jang lơ̆m khŭl bơ̆ jang đei dêh char tơ gŭm 10 triệu hlak jên păng hơ met ăn tôm bơ̆n tơ mam drăm, hơ băn ao vei lăng, tơ mam tang găn jĭ.  Hơ drol kơ năm bơ̆ jang, khŭl kang ƀô̆  jang pơ gang kơ dêh char Gia Lai hlôi đei pơ hrăm găh tơ drong joăt jang lơ̆m hơ len lăng păng trong hơ met, vei lăng bơ ngai jĭ Covid-19, trong tang găn, vei lăng tơ poh jĭ Covid-19. Trong iŏk bơ̆n pham, vei lăng, chơ pham jĭ SARS-CoV-2.

Thuem: Tơ blơ̆