VOV4.Bahnar – Kiơ\ đơ\ng bơngai Êđê akhan tơdrong j^ jăn ‘no\h kơ yuơ đơ\ng yang-Cham char-Kon bơngai. Mư\h đei tơdrong j^ jăn lơ\m pơlei ‘no\h gô pơgơ\r kơ\m pơlei. Lơ\m khei ‘năr j^ hơbu\h Covid-19 nhen hrei au, tơdrong ư\h gan ăn chă yơ yak tơ\ au tơ\ to, păng dăr lăng hơlen rim bơngai mơ\t lơ\m pơlei, ‘no\h jing tơdrong kăl hlo\h.

            Lơ\m rim pơlei bơngai Êđê, đei pơgơ\r kơ\m pơlei, rim u\nh hnam pơgơ\r soi tơbe\h phara d^h băl. Rim bơngai lơ\m pơlei ư\h kơ gơ\h le\ch tơ\ ‘ngoăih, dôm bơngai găh ‘ngoaih jei ư\h kơ gơ\h mơ\t lơ\m pơlei. Tơdrong kơ\m au ư\h kơ gơ\h chă pơm tơdrong au to, lui kiơ\ kră pơlei. Lăp dang yơ kră pơlei jang hơdrol ‘no\h kon pơlei mă pơm kiơ\. Tơdăh bơngai bu ư\h pơm kiơ\ ‘no\h gô phak kăp hloi. {ok Aê Răk kră pơlei Buôn Ky - phương Thành Nhất- pơlei tơm Buôn Ma Thuột tơbăt: Tơdrong pơgơ\r kơ\m au hmă hmă kơte\ch 10 năr tru\h 1 khei dăh mă đunh hlo\h dơ\ng gô mơ\ng tơdrong chă j^ jăn lơ\m tơring dă [iơ\ lơ liơ. "Kơ\m pơlei ‘no\h kơ\m gie\ng ư\h kơ ăn bơngai anai mơ\t lơ\m pơlei, bơngai lơ\m pơlei jei ư\h kơ gơ\h le\ch tơ\ ‘ngoăih. Vă tang găn tơdrong j^ pơra\m kon pơlei. Kiơ\ tơdrong joăt kơ bơngai Êđê lơ\m dang khei 1,2,3 hmă hmă rim pơlei pơgơ\r kơ\m gie\ng pơlei. "

             Mư\h pơlei pơgơ\r kơ\m gie\ng pơlei ‘no\h kră pơlei pơjao ăn kon pơlei năm tơ\ bri ko\h ‘long kram, ‘lao dăh mă ‘long [lang pơm ‘măng jang pơlei. Mư\h ko\h đang tung bro\k tru\h tơ\ pơlei, rim đe kră atu\m hăm đe tơdăm ko\h chăr j^t kram ‘lao tanh tơbu\l, đơ\ng no\h hơtol kơpăih, le# tơ\ ‘măng jang pơlei păng lơ\m rim hnam jei hơtol lơ lo\h mơ\n. Tơdrong mă au vă tơbăt ăn tơmoi băt pơlei au đei tơdrong kơ\m gie\ng ư\h kơ gơ\h mơ\t lơ\m pơlei vă veh ver j^ jăn tơpo\h. ‘Măng jang pơlei chă pơro\ lơ lo\h ‘noh vă vei lăng năng tông kon pơlei hoei răm yang kơne#, hơdre\ chă pơra\m, pơm ăn đei [drong j^ jăn păn hnong păng rim tơdrong răm au to … Kră pơlei Aê Răk tơbăt dơ\ng: "Lơ\m dôm năr pơlei kơ\m gie\ng, kon pơlei oei lơ\m hnam, pơma dơnu\h, tơroi tơbăt d^h băl trong cho\h jang sa gơ\h hơgei đei io\k yua kơ jăp, dôm năr au oei tơ\ hnam, ư\h kơ gơ\h năm tơ\ mir. Kiơ\ kon pơlei akhan, tơdăh jang mir lơ\m dôm năr au gô hơnhăk ba đei sơdrông pơrang pơra\m bơ\n [a hơ [o..."

             Kơ\m gie\ng pơlei ‘no\h m^nh tơdrong joăt joe ‘lơ\ng hơ iă hlôi đei đơ\ng sơ\ kơ bơngai Êđê vă tang găn tơdrong tơpo\h lang să kơ tơdrong j^ jăn, vang kơru\n jơhngơ\m vei lăng năng tông jơhngơ\m pran jăng grăn akau ăn kơ d^h, ăn u\nh hnam păng kon pơlei. Hrei au, m^nh [ar pơlei oei vei kơ jăp tơdrong kơ\m gie\ng ‘nau vă vei lăng năng tông pơlei hoei đei tơdrong j^ jăn. Kơ\m gie\ng pơlei ‘no\h jing m^nh tơdrong pơgơ\r ‘lơ\ng hơ iă hơnhăk đei tơdrong ‘lơ\ng lơ\m tơgoăt tơgoăl pôm nơ\r [ơ\r đon kon pơlei pơla.

Bơngai ch^h: Za Wut

Tơblơ\ nơ\r: Amazưt