VOV4.Bahnar - Kŭm hăm tơ drong sơng iŏk kon pơ lei brŏk đơ̆ng tơ ring đei jĭ dôm dêh char găh pơ băh hăm kơ sô̆ lơ, ‘noh dang ei kơ sô̆ bơ ngai jĭ Covid -19 lơ̆m hơ nih ăn oei hơ drô̆ lơ̆m dêh char Gia Lai oei hơ nơ̆ng kơ tŏk, pơm ăn kon pơ lei Gia Lai ‘mĕh vă đei ƀet vắc xin bơ̆ng jĭ Covid-19 hrôih. Dêh char Gia Lai kŭm hlôi pơ gơ̆r ƀet bơ̆ng ‘măng mă 5 ăn kon pơ lei păng tŏk bŏk hơ nơ̆ng tŭn hrĕnh tơ drong ƀet vắc xin, dar deh vei sơ đơ̆ng ư̆h kơ đei jĭ lơ̆m tơ pôl. Trong tơ lĕch jang hlôi pơ jing truh sơ năm 2022, vei sơ đơ̆ng kiơ̆ tơ drong jang đơ̆ng Trung ương vă pơm ư̆h kơ đei jĭ lơ̆m tơ pôl tơ̆ Gia Lai. Hăm kon pơ lei tơ̆ tơ ring hơ tăih hơ tŏ ‘noh kŭm gô đei chih hơ năn păng ƀet tơ̆ tơ ring, vei sơ đơ̆ng jang kiơ̆ ƀlep trong jang. Dêh char tŏk bŏk hơ drin truh hơ tuch sơ năm 2021 kơ sô̆ bơ ngai ƀet vắc xin gô đei 70% kơ sô̆ kon pơ lei lơ̆m dêh char. ‘Măng ƀet hơ tuch gô lơ̆m jăl khei mă I/2022.

Thuem: Tơ blơ̆