VOV4.Bahnar - Lơ̆m kơ sô̆ 272 ‘nu kon pơ lei arih xa, bơ̆ jang, hŏk pơ hrăm tơ̆ plt Hồ Chí Minh ‘nao đei dêh char Kon Tum chơ vih, đei 4 ‘nu bơ ngai đei pơ rang jĭ SARS-CoV-2. Lơ̆m nŏh đei 2 ‘nu bơ ngai tơ̆ plt Kon Tum păng 2 ‘nu bơ ngai tơ̆ apŭng Tu Mrông. 4 ‘nu bơ ngai âu đei Anih vei lăng tơ drong jĭ jăn dêh char Kon Tum set hơ len ‘măng mă 1 kiơ̆ trong RT-PCR ăn ƀôh đei pơ rang jĭ SARS-CoV-2.

Pơ tho ăn kon pơ lei mât tơ̆ anih oei hơ drô̆

Đơ̆ng rŏng kơ băt đei jĭ, dôm bơ ngai âu đei chơ năm tơ̆ anih oei hơ drô̆ vă hơ met. Anih jang pơ gang tơ̆ tơ ring chă hơ len đei 24 ‘nu bơ ngai F1 kơ 4 ‘nu bơ ngai jĭ âu. Anih vei lăng jang pơ gang dêh char Kon Tum kŭm tơ roi tơ̆ tơ ring ‘nao đei 1 ‘nu bơ ngai jang pơ gang tơ pŏh jĭ COVID-19 păng 1 ‘nu bơ ngai tơ pŏh hơ lơ̆k dơ̆ng pơ rang jĭ SARS-CoV-2.

Dơ̆ng: Tơ blơ̆