VOV4.Bahnar - Pơ gê brei (3/8), dêh char Kon Tum đei dơ̆ng 2 ‘nu jĭ SARS-CoV-2 ‘noh jĭ bơ ngai brŏk đơ̆ng tơ ring đei jĭ. ‘Nâu jĭ 2 ‘nu bơ ngai jĭ SARS-CoV-2 mă 15 păng 16 đei lơ̆m dêh char Kon Tum. Pơ đĭ 2 ‘nu tă kơ đơng pơ lei tơm Hồ Chí Minh brŏk tơ̆ dêh char Kon Tum păng hlôi ăn oei hơ drô̆ akŏm tơ̆ Anih 1 Hnam trưng Cao đẳng Cộng đồng. Đơ̆ng rŏng kơ pơ tôch hơ len lăng ‘măng mă 3 đei ƀôh pơ rang jĭ SARS-CoV-2 hăm trong Realtime RT-PCR pơ đĭ 2 ‘nu đei chơ truh Anih 2 Hnam pơ gang Y dược cổ truyền - Phục hồi chức năng ăn oei hơ drô̆ hơ met jĭ. Jô̆ truh pơ gê ‘năr 3/8, dêh char Kon Tum hlôi đei 16 ‘nu jĭ SARS-CoV-2 păng tam mă đei bơ ngai jĭ COVID-19 ‘ngoăih tơ pôl.

Thuem: Tơ blơ̆