VOV4.Bahnar - 5 sơ năm sơ\, dôm unh hnam kon pơ lei Xơ đăng tơ\ plei Vương, xăh Đăk Nên, apu\ng Kon Plông, dêh char Kon Tum to\k oei tơ\ plei hle kiơ\ tơ drong jang man hnam kơ măy unh điên Đăk Dring. {ât mă tơ drong arih xa tơ\ plei hle tam mă sơ đơ\ng ‘no\h lơ\m pơ lei đei truh 16 ‘nu bơ ngai lôch, pơm ăn kon pơ lei tôch hli. Kơ lih yoa dêh hnang hli, đei lơ unh hnam kon pơ lei hu\t hnam tơ\ plei hle năm oei tơ\ tơ ring nai dơ\ng:

Đơ\ng pơ lei tơm Kon Tum ‘moi kiơ\ trong gre 24 yak dang 60km găh Hơ le\ch Kơ tu ‘no\h truh tơ\ to\k bo\k apu\ng Kon Plông. Đơ\ng âu vă năm tơ\ plei hle kơ kon pơ lei tơ\ plei Vương, xăh Đăk Nên athei kue\ch kiơ\ trong Pơ mât Kơ Tu ‘moi kiơ\ trong gre dêh char hlo\h 60km dơ\ng. {ôh hiom so\k sop iung ‘no\h j^ tơ drong mă blu\ng mưh truh tơ\ plei hle kơ kon pơ lei plei Vương. Tơ drong ‘nâu ro\ năng yoa lơ\m pơ lei đei lơ hnam đe hu\t hơ chăng, ưh kơ đei oei.

‘Nho\ng A Bảy, 1 ‘nu bơ ngai tơ\ plei Vương ăn tơ băt, tơ drong kon pơ lei hu\t hnam năm oei tơ\ nai ‘no\h yoa dôm sơ năm âu ki lơ\m pơ lei đei lơ bơ ngai lôch: “Yoa  đe lôch lơ dêh. Năr ‘nâu lôch, tơ ning lôch kơ na kon pơ lei hli. Đe hli kơ na đe to\k oei tơ\ Xô Luông ti. Đang kơ ‘no\h đei bơ ngai đei te\h tơ\ Xô Thác su\ng, đe jur oei tơ\ no\h hai. Đe sư akhan je# pơ sat dêh hnang, je# an^h [u\ bơ ngai lôch kơ na đe hli. Tơ drong juăt tơ\ tơ ring âu j^ thoi no\h nơh.”

Jo# truh đ^ sơ năm 2018, đơ\ng ro\ng 5 sơ năm to\k oei tơ\ plei hle, ako\m đ^ đăng đei 16 ‘nu bơ ngai tơ\ plei Vương lôch. Bơ ngai kră, rơ mơ\n rơ mo\ lôch kiơ\ yă [ok ‘no\h bu pơ ma, oei tơ\ âu ‘no\h đei lơ bơ ngai lơ\m pơ lei ‘nao lăp đơ\ng 30 truh 45 sơ năm đe\ch. ‘Ngoăih kơ dôm bơ ngai kră krut, đei truh 5 ‘nu bơ ngai lôch hret hơ lo\ng păng xa hla ‘long pơ gang. Đang kơ ‘no\h j^ tơ drong hơ kăn te\h klo lôch, tơ kơ măng jur tơ\ thong đak lôch glơ\k. Tơ\ hơ năp dôm tơ drong lôch đei khan chrih âu, kon pơ lei tơ\ plei Vương tôch hli.

Bí thư chi [o# pơm hloi [ok pơ gơ\r plei Vương, Đinh Quang Vem tơ roi, đơ\ng 35 unh hnam blu\ng a, dang ei lơ\m pơ lei pă 15 bơ bu\ng hnam đei bơ ngai oei, oei đei dơ\ng ‘no\h hu\t ho\h, ưh đei bơ ngai oei: “Hnam đe pôk oei je# băl, mă 1 ‘no\h vă gơ\h lăng băl. Mă 2 lơ unh hnam yoa bơ ngai lôch đ^ kơ na ưh pă đei bu oei. Mă 3 hnam đei bơ ngai lôch hret hơ lo\ng kơ na đe hu\t ưh pă oei lơ\m hnam ‘no\h bơih. Mă 4 lơ unh hnam pơ tih gia klo lôch, chă klo nai kơ na năm oei tơ\ tơ ring nai hloi.”

Yoa dêh hnang hli hăm dôm tơ drong lôch răm ‘no\h kơ na 1, 2 unh hnam tơ\ plei Vương hu\t pơ lei năm oei xa tơ\ nai. Hu\t hơ chăng lơ hnam man kơ jăp ‘lơ\ng, gru\p 3 unh hnam Đinh Văn Lá, Y Ba, Y Dứt dang ei pơm hnam kơ jung tơ ‘ngiot tơ ‘ngônh kơ pal kông găh te\h plei Xô Luông.

‘Nho\ng A Xôi chă jăk đơ\ng plei Vương jur oei tơ\ plei Xô Thác [ôh sơ đơ\ng jơ hngâm [iơ\:

“Tơ\ plei Vương xa hla ‘long pơ gang. Nhok hơ ko ku\m đei lơ, hli dêh. Jur oei tơ\ su\ng nhen hiôk lơ\m jơ hngâm [iơ\”.

Chă hơ len năng tơ drong lôch răm kơ 16 ‘nu bơ ngai tơ\ plei Vương [ôh đei 1 tơ drong lei lăi ‘no\h, vă rim bơ ngai lôch tơ tă et tơ drô dư ngăl. Dôm bơ ngai lôch yoa j^ jăn nhen A Đời, A Đeng, A Măng, Y Nham j^ dôm bơ ngai et tơ drô dư ngăl. Lơ bơ ngai oei pran lôch ku\m kơ lih đơ\ng et tơ drô ‘năi nhen klo kăn A Nam păng Y Thuận yoa et tơ drô soai, hil băl, jing đei tơ drong Y Thuận te\h klo sư lôch. A Nhét et tơ drô soai, to\k bo\k măng jur tơ\ thong đak kơ na lôch glơ\k. Dôm bơ ngai lôch hret hơ lo\ng, nhen Đinh Văn Rớ, A Me, Y Lan, A Mon, đei bơ ngai yoa lơ\m hnam đei tơ drong sơ ‘ngon, đei bơ ngai yoa arih xa mơ mat tat tơ\ plei hle… mă lei đei 1 tơ drong lei lăi băl ‘no\h tơ tă et tơ drô ngăl.

{ok Võ Hải Ưng, 1 ‘ni\u bơ ngai tơ\ tơ ring pơ ma găh tơ drong et tơ drô đơ\ng kon pơ lei tơ\ plei Vương: “Vă chong mir, choh chu\n dăh mă jang tơ drong kiơ đe ku\m pai tơ drô et ‘mơ\i. Dang ei yoa đei an^h te\ch hơ lăk, et xa bơih, đei hai tơ drong jang ‘nâu tơ drong jang to truh, đe năm jang, đei jên đe răt, đe et. ‘Năr to\ hlơ hle\ng lơ lou, năm jang gleh hrat vih tơ\ hnam et tơ drô hlo\h tơ drong vă ưh kơ lôch kơ kiơ. Lơ bơ ngai tơ\ plei Vương lôch mă 1 ‘no\h yoa rơ mơ\n rơ mo\, so\ng xa ưh tôm măh, hơ dai hăm et tơ drô soai hai, thoi no\h ke\ arih loh.”

Đei tơ drong krao hơvơn, roi tơ [ôh đơ\ng khul kơ dră tơ ring ku\m nhen dôm khul gru\p tơ pôl tơ\ xăh Đăk Nên, kon pơ lei tơ\ plei Vương dang ei đ^ vă sơ đơ\ng jơ hngâm, huei pă hli kư\ kă tơ\ hơ năp dôm tơ drong lôch răm lơ\m pơ lei bơih. Mă lei tơ drong hơ mơt kơ lôch răm oei đei đe\ch. Lơ bơ ngai tơ\ plei Vương et tơ drô tôch dư, ưh jo# pơ gê, kơ sơ\ dăh mă kơ măng.

M^nh ‘nu tơ ‘ngla an^h te\ch hơ lăk rok trong mât tơ\ plei Vương tơ roi, 1 năr an^h sư te\ch dang 20 kơ lich ăn kon pơ lei tơ\ plei ‘nâu. ‘Ngoăih kơ an^h ‘nho\ng, ju\m dăr plei Vương oei đei truh 3 an^h te\ch hơ lăk nai. Hơ lăk ku\m hăm dôm tơ drong mơ mat tat đơ\ng kon pơ lei Vương mưh truh oei tơ\ plei hle, nhen ưh kơ măh te\h choh jang xa, ưh đei tơ drong jang… to\k bo\k phă pơ răm tơ drong arih xa sơ đơ\ng kơ kon pơ lei tơ\ âu.

Khoa Điềm: Chih

Dơ\ng: Tơ blơ\